రోడ్డు ప్రమాదంలో ముగ్గురికి గాయాలు, తప్పిన పెను ప్రమాదం
Andhra Pradesh Telugu | Suryaa Desk | Published : Fri, Apr 14, 2023, 02:42 PM
శ్రీకాకుళం జిల్లా, చీపురుపల్లి మండలంలోని పుర్రేయవలస జంక్షన్‌ సమీపంలో రోడ్డు ప్రమాదం జరిగింది. వివరాల్లోకి వెళ్ళితే... చీపురుపల్లి పట్టణానికి చెందిన మజ్జి భాస్కరరావు తన కారులో శ్రీకాకుళం వెళ్తున్నారు. పుర్రేయవలస జంక్షన్‌ వద్ద ఆయన కారు అదుపు తప్పి మోటారు సైకిల్‌పైౖ ఎదురుగా వస్తున్న గురాన లక్ష్మణరావును ఢీకొట్టి, సమీపంలో ఉన్న ఓ దుకాణంలోకి దూసుకుపోయింది. ఆ సమయంలో దుకాణం మూసి ఉండడంతో పెను ప్రమాదం తప్పింది. అయితే ఈ ప్రమాదంలో కారు నడుపుతున్న భాస్కరరావు నుదిటిపై గాయాలయ్యాయి. మోటారు సైకిల్‌పై ప్రయాణిస్తున్న లక్ష్మణరావు ఎడమ చేయి విరిగిపోయింది. ఆయనతో పాటు ప్రయాణిస్తున్న కుమారుడు హర్షకు స్వల్ప గాయాలయ్యాయి. ఆ సమయంలో అక్కడే ఉన్న నిద్దాన సత్యం అనే వ్యక్తి కూడా గాయపడ్డాడు. గాయపడిన వారిని చికిత్స నిమిత్తం తరలించారు. పోలీసులు కేసు నమోదు చేసి దర్యాప్తు చేస్తున్నారు.
|
|