ట్రెండింగ్
రోడ్డు ప్రమాదంలో, తెగిపడిపోయిన చిన్నారి కాలు
Andhra Pradesh Telugu | Suryaa Desk | Published : Sat, Apr 15, 2023, 02:04 PM
అల్లూరి జిల్లా, దేవీపట్నం మండలంలోని మడిపల్లి వద్ద జరిగిన ప్రమాదంలో నలుగురికి తీవ్రగాయాలయ్యాయి.వివరాల్లోకి వెళ్ళితే... తూర్పుగోదావరిజిల్లా సీతానగరం మండలం అచ్చయ్యపాలెం గ్రామం నుంచి తన మేనమామతో ముగ్గురు చిన్నారులు కలిసి గోకవరం మండలం కృష్ణుడిపాలెం చిల్ట్రన్‌హోమ్‌లో చదువుతున్న తమ అక్కని చూసేందుకు ఇందుకూరుపేట మీదుగా బైకుపై వెళుతుండగా మడిపల్లి ఆర్‌అండ్‌ఆర్‌ కాలనీ ప్రమాదపు మలుపువద్ద ఎదురుగా వస్తున్న బొలేరో ఢీకొట్టడంతో నలుగురు గాయాల పాలయ్యారు. వారిలో ఒక చిన్నారికి అక్కడికక్కడే కాలు తెగిపడింది. మరో ముగ్గురు గాయాల పాలయ్యారని వీరిని చికిత్స నిమిత్తం గోకవరం ఆసుపత్రికి తరలించగా మెరుగైన వైద్యం కోసం రాజమహేంద్రవరం తరలించినట్లు ఎస్‌ఐ నాగార్జున తెలిపారు. ఈ సంఘటనపై కేసు నమోదు చేసి దర్యాప్తు చేస్తున్నామని ఆయన తెలిపారు.
|
|