డ్రంక్ అండ్ డ్రైవ్ పై విస్తృత తనిఖీలు
Andhra Pradesh Telugu | Suryaa Desk | Published : Wed, Apr 19, 2023, 01:02 PM
డ్రంక్ అండ్ డ్రైవ్ పై కంచరపాలెం ట్రాఫిక్ పోలీసులు విస్తృత తనిఖీలు నిర్వహిస్తున్నారు. ఈ మేరకు గత వారం రోజులుగా ముఖ్య కూడళ్ళు కంచరపాలెం మెట్టు, ఊర్వశి జంక్షన్, ఎన్ఏడి కూడలి, బిర్లా జంక్షన్, ఎన్ఎస్టీఎల్ జ్ఞానపురం మొదలగు ఏరియాలలో కంచరపాలెం ట్రాఫిక్ సీఐ మళ్ల అప్పారావు ఆధ్వర్యంలో ఎస్సైలు వాసుదేవరావు, పాపారావు, ఉలహాక్ లు ప్రత్యేక బృందలుగా వాహనాల తనిఖీ చేపట్టి కంచరపాలెం ఎయిర్పోర్ట్ ఏరియాలలో త్రాగి వాహనాలు నడుపుతున్న 40 మందిపై కేసులు నమోదు చేసారు.
వాహనాలు సీజ్ చేసి వారిపై కేసులు నమోదు చేశారు. వారిలో 19 మందిని మంగళవారం విశాఖపట్నం 3 వ స్పెషల్ మెట్రోపాలిటన్ మెజిస్ట్రేట్ గణపతిరావు ముందు హాజరు పరచగా రూ. 39 వేల రూపాయలు జరిమానా విధించారని తెలిపారు. మద్యం సేవించి వాహనాలు నడుపుటం నేరమని అలాంటి వారిని వాహనాల తనిఖీ ద్వారా ప్రమాదాలు జరగకుండా వారిని పట్టుకుని వాహనాలను సీజ్ చెసి కోర్ట్ లో హాజరు పరచడం జరుగుతుందని సీఐ మల్ల అప్పారావు తెలియజేశారు.
|
|