బదిలీ పై వెళ్తున్న ఎస్ ఐ కి సీఐ సన్మానం
Andhra Pradesh Telugu | Suryaa Desk | Published : Wed, May 03, 2023, 07:37 PM
వృత్తి పట్ల బాధ్యత అంకిత భావం ఉన్నతాధికారుల పట్ల విధేయత కలిగి ఉన్నటువంటి ఉద్యోగులు ఏ ప్రదేశంలో విధులు నిర్వహించిన సంతృప్తికరమైన జీవితం గడుపుతారని మదనపల్లి టూ టౌన్ సర్కిల్ ఇన్స్పెక్టర్ ఎస్ మురళీకృష్ణ పేర్కొన్నారు. బుధవారం మదనపల్లి టూ టౌన్ ఎస్ఐగా బాధ్యతలు నిర్వర్తించి రాయచోటి సిసిఎస్ కు బదిలీ అయిన సందర్భంగా ఏర్పాటుచేసిన వీడ్కోలు సమావేశానికి ఆయన ముఖ్య అతిథిగా పాల్గొని ప్రసంగించారు. ప్రభుత్వ ఉద్యోగులకు బదిలీ సర్వసాధారణమని తాము ఎక్కడ విధులు నిర్వహించిన అంకిత భావంతో వృత్తి ధర్మాన్ని నిర్వర్తించి పోలీసు శాఖకు మంచి పేరు తీసుకురావాలని ఆయన సూచించారు. కాలానుగుణంగా ఎన్నో మార్పులు సమాజంలో వస్తున్నాయని సమయాన్ని సందర్భాన్ని బట్టి విధులు నిర్వర్తించాలని విధి నిర్వహణలో అప్రమత్తంగా ఉండాలని ఆయన సూచించారు. ఈ సందర్భంగా ఎస్సై జి చంద్రమోహన్ మాట్లాడుతూ తన విధి నిర్వహణలో తనకు సహకరించినటువంటి సిబ్బందికి ధన్యవాదాలు తెలియజేశారు. అనంతరం సిఐ ఎస్సై ని జ్ఞాపకతో సత్కరించారు. ఈ సమావేశంలో ఏఎస్ఐలు ఇమామ్ సాహెబ్, వై వెంకట్, రమణ మరియు సిబ్బంది పాల్గొన్నారు.
|
|