ఎమ్మెల్యే చెవిరెడ్డిని కలసిన డీఎస్పీ యశ్వంత్
Andhra Pradesh Telugu | Suryaa Desk | Published : Wed, May 03, 2023, 07:44 PM
చంద్రగిరి సబ్ డివిజనల్ నూతన పోలీసు అధికారిగా బుధవారం బాధ్యతలు స్వీకరించిన టీడీ యశ్వంత్ ఎమ్మెల్యే చెవిరెడ్డి భాస్కర్ రెడ్డిని మర్యాద పూర్వకంగా కలిశారు. పుట్టపర్తి డీఎస్పీగా విధులు నిర్వహించిన ఆయన చంద్రగిరి డీఎస్పీగా బుధవారం విధులు చేపట్టారు. ఇటీవల చంద్రగిరి నియోజకవర్గ పరిధిలోని పాకాల, రామచంద్రాపురం, భాకరాపేట, ఎర్రావారిపాళెం, చంద్రగిరి, తిరుపతి రూరల్, తిరుచానూరు పోలీస్ స్టేషన్లను కలుపుకుని నూతనంగా చంద్రగిరి సబ్ డివిజనల్ పోలీసు కార్యాలయం ఏర్పాటు చేయించారు. కొత్తగా ఏర్పాటైన సబ్ డివిజనల్ పోలీసు కార్యాలయంలో మొట్టమొదటి అధికారిగా యశ్వంత్ బాధ్యతలు స్వీకరించడం పట్ల సబ్ డివిజన్ పరిధిలోని పోలీసు అధికారులు, సిబ్బంది శాలువలతో సత్కరించి పుష్ప గుచ్చాలతో అభినందించారు. అనంతరం నూతనంగా బాధ్యతలు స్వీకరించిన డీఎస్పీ యశ్వంత్ ఎమ్మెల్యే చెవిరెడ్డిని మర్యాద పూర్వకంగా కలిశారు.
|
|