ట్రెండింగ్
భర్త వేధింపులు తాళలేక భార్య ఆత్మహత్య
Andhra Pradesh Telugu | Suryaa Desk | Published : Wed, May 17, 2023, 04:03 PM
శ్రీకాకుళం నగరంలోని కెల్లవీధికి చెందిన బండి దేవి (34) ఆస్పత్రిలో చికిత్స పొందుతూ మృతి చెందింది. వివరాల్లోకి వెళ్ళితే... దేవికి పదహారేళ్ల క్రితం జమ్మ లక్ష్మణరావు అనే వ్యక్తితో వివాహమయ్యింది. భర్త ప్లంబింగ్ పనులు చేస్తుంటాడు. అతను తాగుడుకు బానిస కావడంతో దేవి మనస్తాపం చెంది ఈ నెల 15న ఇంట్లో ఉన్న సూపర్ వాస్మల్ 33 ద్రావణం తాగింది. రాత్రి 10.30 గంటలకు కడుపులో నొప్పి రావడంతో భర్త లక్ష్మణరావుకు, వరుసకు అన్నయ్య అయిన బండి రామకృష్ణకు ఫోన్ ద్వారా సమాచారం అందించింది. హుటాహుటిన రామకృష్ణ చేరుకుని ఆమెను శ్రీకాకుళం రిమ్స్కు తరలించాడు. చికిత్స పొందుతూ మంగళవారం ఉదయం మృతి చెందింది. దేవికి నారాయణ అనే కుమారుడు ఉన్నాడు. దేవి తల్లి జయమ్మ ఫిర్యాదు మేరకు రెండవ పట్టణ సీఐ శ్రీనివాసరావు కేసు నమోదు చేసి దర్యాప్తు చేస్తున్నారు.
|
|