సీఎం జగన్ యాగం చేస్తుంది శత్రువుల నాశనానికె
Andhra Pradesh Telugu | Suryaa Desk | Published : Thu, May 18, 2023, 01:25 PM
విజయవాడ లో జరిగిన రాజశ్యామల యాగంపై టీడీపీ సీనియర్ నేత ధూళిపాళ్ళ నరేంద్ర సంచలన ట్వీట్ చేశారు. శత్రువులు నాశనం అయిపోవాలని.. కోర్టు కేసుల్లో సానుకూలత రావాలని.. యాగ సంకల్పం చేసి రాష్ట్రం కోసం యాగం చేస్తున్నట్టు సీఎం జగన్ నమ్మిస్తున్నారంటూ ధూళిపాళ్ల పేర్కొన్నారు. ఈ క్రమంలోని జగన్ యాగ సంకల్పం వినాలని.. వీడియోను ట్విటర్లో షేర్ చేశారు. ‘‘నీ శత్రువులు నాశనం అయిపోవాలి.. నీ కోర్టు కేసుల్లో సానుకూలత రావాలి... అంటూ యాగ సంకల్పం చేసి ... రాష్ట్రం కోసం యాగం అని నమ్మించే గొప్పవాడివయ్యా’’ అంటూ జగన్ను ధూళిపాళ్ళ నరేంద్ర ట్వీట్ చేశారు. ‘ప్రజలారా.. ఇదిగో ఈ సంకల్పం వినండి’ అంటూ యాగ సంకల్పం చెపుతున్న వీడియోను ట్విట్టర్లో నరేంద్ర షేర్ చేశారు. ఇక ఆ యాగ సంకల్పం చెబుతున్న వీడియోలో శత్రునాశనం జరగాలని, న్యాయస్థానాల్లో విజయం లభించాలని, రాజకీయ క్షేత్రంలో విజయాలు పొందాలని జగన్ నమస్కరిస్తుండగా పండితులు సంకల్పం చెప్పారు.
|
|