ఒక్క ఏప్రిల్ నెలలోనే రూ:25 కోట్ల 25 కోట్ల మామిడిపండ్ల ఆర్డర్
national | Suryaa Desk | Published : Thu, May 18, 2023, 07:34 PM
ఏప్రిల్ నెలలో రూ.25 కోట్ల విలువ చేసే మామిడి పండ్లకు జెప్టో ప్లాట్ ఫామ్ లో కస్టమర్ల నుంచి ఆర్డర్లు వచ్చాయి. సగటున రోజువారీగా రూ.60 లక్షల విలువ చేసే ఆర్డర్లను జెప్టో స్వీకరించింది. ఏప్రిల్ కంటే మే నెలలో మరింత అధికంగా ఆర్డర్లు వస్తాయని జెప్టో అంచనా వేస్తోంది. పచ్చి మామిడి కాయలకు సైతం డిమాండ్ ఎక్కువే ఉంది. ఏప్రిల్ నెలలో రూ.25 లక్షల విలువ చేసే మామిడి కాయలకు జెప్టోలో ఆర్డర్లు వచ్చాయి. మామిడి కాయలతో పచ్చడి పెట్టుకోవడం, కూరల్లో వేసుకోవడం తెలిసిందే.
జెప్టోలో ఎక్కువగా ఏ మామిడి పండ్లకు ఆర్డర్లు వచ్చాయో తెలుసా..? మహారాష్ట్రలోని రత్నగిరి ప్రాంతంలో పండే ఆల్ఫాన్సో రకానికే. మొత్తం మామిడి పండ్ల విక్రయాల్లో 30 శాతం ఆల్ఫాన్సోవే ఉన్నాయి. ముంబై, బెంగళూరు, ఢిల్లీ వాసులు వీటి కోసం ఎక్కువగా ఆర్డర్ ఇచ్చారు. ఆ తర్వాత బంగినపల్లి రెండో స్థానంలో ఉంది. మొత్తం మామిడి పండ్లలో 25 శాతం విక్రయాలు ఈ రకానివే ఉన్నాయి. దక్షిణాది వాసులు ఎక్కువగా ఈ రకం కోసం ఆర్డర్ పెట్టారు. ఆ తర్వాత కేసర్ రకానికి డిమాండ్ కనిపించింది. జెప్టో సంస్థ దేశవ్యాప్తంగా 1,000 మంది మామిడి రైతులతో సరఫరా ఒప్పందాలు చేసుకుంది.
|
|