మే 21న పలు రైళ్ల రద్దు
Andhra Pradesh Telugu | Suryaa Desk | Published : Fri, May 19, 2023, 10:37 AM
ఘట్కేసర్ - చర్లపల్లి స్టేషన్ల మధ్యన ఆర్ యూబీ పనుల కారణంగా ఈ నెల 21న గుంటూరు మీదగా రాకపోకలు సాగించే పలు రైళ్లని రద్దు చేస్తోన్నట్లు డివిజనల్ రైల్వే మేనేజర్ ఎం. రామకృష్ణ గురువారం ఒక ప్రకటనలో పేర్కొన్నారు. రెండు వైపులా పల్నాడు, గోల్కొండ ఎక్స్ ప్రెస్, నెంబరు. 17645 సికింద్రాబాద్ - రేపల్లె ఎక్స్ ప్రెస్, కాచీగూడ - మిర్యాలగూడ, మిర్యాలగూడు - కాజీగూడ, మిర్యాలగూడ - నడికుడి, నడికుడి - మిర్యాలగూడ, మిర్యాలగూడ - కాచీగూడ ప్రత్యేక ప్యాసింజర్ రైళ్లని పూర్తిగా చేస్తోన్నామన్నారు. నెంబరు. 12703 హౌరా - సికింద్రాబాద్ ఫలక్నుమా ఎక్స్ ప్రెస్ ఈ నెల 20న మూడు గంటల ఆలస్యంగా నడుపుతామన్నారు. నెంబరు 17229 తిరువనంతపురం సెంట్రల్ - సికింద్రాబాద్ శబరి ఎక్స్ ప్రెస్ ఈ నెల 20న రెండు గంటల ఆలస్యంగా నడుపుతామన్నారు. ఈ విషయాన్ని గమనించి ప్రయాణీకులు రైల్వేకి సహకరించాలని విజ్ఞప్తి చేశారు.
|
|