ట్రెండింగ్
ఘోర రోడ్ ప్రమాదం, నలుగురు మృతి
Andhra Pradesh Telugu | Suryaa Desk | Published : Sat, Jun 03, 2023, 01:06 PM
తిరుపతిలో ఘోర రోడ్డు ప్రమాదం చోటు చేసుకుంది. ఆగి ఉన్న లారీని తుఫాన్ వాహనం ఢీకొనడంతో నలుగురు దుర్మరణం చెందారు. పీలేరు - చిత్తూరు జాతీయ రహదారి మార్గంలోని ఎంజేఆర్ కాలేజ్ వద్ద ఈ ప్రమాదం జరిగింది. నలుగురు ఘటనాస్థలంలోనే మృతి చెందగా.. ఒకరి పరిస్థితి విషమంగా ఉంది. మరో ఆరుగురికి తీవ్ర గాయాలయ్యాయి. మృతులు నంద్యాల నుంచి తిరువన్నామలైకు వెళ్తుండగా ప్రమాదం చోటు చేసుకుంది. సమాచారం అందిన వెంటనే పోలీసులు అక్కడకు చేరుకుని క్షతగాత్రులను స్థానిక ఆస్పత్రికి తరలించి చికిత్స అందజేస్తున్నారు. అలాగే మృతదేహాలను పీలేరు ప్రభుత్వాస్పత్రికి తరలించారు. వాహనంలో ఒకరు ఇరుక్కుపోవడంతో వెలికితీసేందుకు పోలీసులు యత్నిస్తున్నారు. ఈ ప్రమాదంపై పోలీసులు కేసు నమోదు చేసి దర్యాప్తు చేపట్టారు. మృతుల వివరాలు తెలియాల్సి ఉంది.
|
|