ట్రెండింగ్
విశాఖ సమీపంలో పట్టాలు తప్పిన గూడ్స్ రైలు
Andhra Pradesh Telugu | Suryaa Desk | Published : Wed, Jun 14, 2023, 11:10 AM
విశాఖ సమీపంలోని అనకాపల్లి -తాడి రైల్వేస్టేషన్ల మధ్య బుధవారం తెల్లవారుఝామున 3.35గంటలకు ఓ గూడ్స్ రైలు పట్టాలు తప్పింది. ఈ ప్రమాదంలో ఐదు బోగీలు పట్టాలు తప్పడంతో ట్రాక్ దెబ్బతింది. దీంతో విశాఖ - విజయవాడ మార్గంలో పలు రైళ్ల రాకపోకలకు అంతరాయం ఏర్పడింది. అలాగే జన్మభూమి, సింహాద్రి, రత్నాచల్ ఎక్స్ ప్రెస్ రైళ్లు రద్దవ్వగా వందేభారత్ ఎక్స్ ప్రెస్ 3 గంటల ఆలస్యంగా నడిచింది. అదే విధంగా మరికొన్ని రైలు సర్వీసులు ఆలస్యం కానున్నాయి. రైల్వే అధికారులు ట్రాక్ మరమ్మత్తు పనులు చేపట్టారు.
|
|