నేడు టిడ్కో గృహాలు అందేనా...?
Andhra Pradesh Telugu | Suryaa Desk | Published : Fri, Jun 16, 2023, 02:01 PM
కృష్ణా జిల్లా గుడివాడలోని మల్లాయపాలెంలో నిర్మించిన 8,912 టిడ్కో గృహాలను శుక్రవారం సీఎం జగన్ ప్రారంభిస్తున్నారని చెప్పుకొంటోంది. ఈ ఇళ్ల నిర్మాణం టీడీపీ హయాంలోనే 70% పూర్తయింది. 2019లో వైసీపీ రాగానే రివర్స్ టెండరింగ్ పేరుతో టిడ్కో ఇళ్ల పనులు నిలిపివేసింది. నాలుగేళ్లు గడిచిపోయాక... ఇప్పుడు ఇళ్లను లబ్ధిదారులకు అందిస్తున్నారు. పనులను జగన్ సర్కారు కొనసాగించి ఉంటే 2020 నాటికే టిడ్కో ఇళ్లలో గృహ ప్రవేశాలు జరిగేవి. గుడివాడలో శుక్రవారం ప్రారంభించే వాటిలో 2,700 ఇళ్లకు మాత్రమే విద్యుత్ కనెక్షన్లు ఇచ్చారు. మరో 6 వేల గృహాలకు కరెంటు లేదు. తాగునీరు, పైప్లైన్, ఓవర్హెడ్ ట్యాంకుల నిర్మాణం పూర్తికావడానికి మరో ఏడాది పడుతుంది. డ్రెయిన్ అవుట్లెట్ పనులూ పూర్తికాలేదు. ఎన్నికలు సమీపిస్తున్న నేపథ్యంలో... ఓట్ల కోసమే అరకొర వసతులున్న ఇళ్లను పంపిణీ చేస్తున్నారని జనం మండిపడుతున్నారు.
|
|