ట్రెండింగ్
ఎవరిదీ ఆ కారు....?
Andhra Pradesh Telugu | Suryaa Desk | Published : Fri, Jun 16, 2023, 02:00 PM
టీటీడీ భద్రతా సిబ్బంది నిర్లక్ష్యం కారణంగా తిరుమలలో అన్యమత ప్రచార స్టిక్కర్తో ఓ కారు తిరగడం విమర్శలకు దారితీసింది. సాధారణంగా తిరుమలకు ఇతర మతాలు, రాజకీయ పార్టీలకు చెందిన జెండాలు, కరపత్రాలు, చిహ్నాలు, వ్యక్తుల ఫొటోలు తీసుకురావడం, లేదా వాహనాలపై అతికించి తిరగడం నిషేధం. అలా ఎవరైనా వస్తే వారిని అలిపిరిలోని చెక్పాయింట్లోనే భద్రతా సిబ్బంది తనిఖీ చేసి అడ్డుకోవాల్సి ఉంటుంది. అయితే గురువారం ఓ కారు వెనుక అద్దంపై క్రైస్తవ మతానికి చెందిన స్టిక్కర్తో తిరుమలకు చేరుకుంది. జీఎన్సీ కాటేజీల వద్ద పార్కింగ్లో ఈ కారును గుర్తించిన వారు విజిలెన్స్ అధికారులకు సమాచారమివ్వడంతో వారు అక్కడికి చేరుకుని స్టిక్కర్ను తొలగించారు. కారును తిరుమలకు తీసుకువచ్చిన వ్యక్తులు తమకు ఇది నిషేధమనే విషయం తెలియదని, అలిపిరిలో ఎవరూ తమను అడ్డుకోలేదని విజిలెన్స్ అధికారులకు తెలిపారు.
|
|