మెరుగైన ఆరోగ్యం కోసం యోగ సాధన ఎంతో అవసరం - డాక్టర్ విజయ్ చంద్రిక
Andhra Pradesh Telugu | Suryaa Desk | Published : Tue, Jun 20, 2023, 10:44 AM
మెరుగైన ఆరోగ్యం కోసం యోగా సాధన ఎంతో అవసరమని డాక్టర్ విజయ్ చంద్రిక తెలిపారు. సోమవారం కలికిరి ఎస్. డబ్ల్యూ. ఆర్ ప్రభుత్వ బాలికల డిగ్రీ కళాశాలలో ఆయుష్ శాఖ ఆధ్వర్యంలో తొమ్మిదవ అంతర్జాతీయ యోగా వారోత్సవాలను ఘనంగా నిర్వహించారు. ఈ సందర్భంగా విద్యార్థులకు యోగాపై అవగాహన సదస్సును నిర్వహించారు. యోగ ఆసనాలు, ధ్యానం ద్వారా శ్వాస మీద ధ్యాస నిలిపితే మనిషి జ్ఞాపక శక్తి మెరుగుపడుతుందని, మానసిక ఒత్తిడిని అరికట్టవచ్చని ఆమె చెప్పారు. కొన్ని ఆసనాలను ఆయుష్ సంస్థ నుండి వచ్చిన యోగా మాస్టర్లు లత, రమేష్ విద్యార్థుల వద్ద చేయించారు. నిత్య యవ్వనత్వం, ఆరోగ్యానికి యోగా చాలా అవసరమని, కుటుంబంలోని ప్రతి ఒక్కరూ యోగ అలవర్చుకోవాలని అన్నారు. ఈ సంవత్సరం యోగా దినోత్సవాన్ని వసుదైక కుంటుంబంతో ప్రారంభించాలని ప్రధానమంత్రి సూచించారని తెలిపారు. తరువాత ర్యాలీని నిర్వహించి యోగపై ప్రజలకు అవగాహన కార్యక్రమం నిర్వహించారు. ఈ కార్యక్రమంలో ప్రిన్సిపాల్ డాక్తర్ ఎల్. అంజలీదేవీ, వైస్ ప్రిన్సిపాల్, ఎన్ఎస్ఎస్ ప్రోగ్రాం ఆఫీసర్ ఆర్. ఆర్. సి కో ఆర్డినేటర్ డాక్తర్ ఎస్. గులాబ్ జాన్, ఎం. మాధవి, టి. లిఖిత, జి. మాధవి, పి. హాజిరా, విద్యార్థినులు పాల్గొన్నారు.
|
|