తూర్పు కాపుల సంక్షేమానికి బీజం పడింది... పవన్ కళ్యాణ్
Andhra Pradesh Telugu | Suryaa Desk | Published : Tue, Jun 27, 2023, 06:44 PM
తూర్పు కాపుల సంక్షేమానికి బీజం పడిందని పశ్చిమ గోదావరి జిల్లా భీమవరంలోనే అని జనసేన పార్టీ అధినేత పవన్ కళ్యాణ్ అన్నారు. భీమవరం తనకు బలమైన జ్ఞాపకాలను ఇచ్చిందన్నారు. ‘వారాహి విజయ యాత్ర’లో భాగంగా భీమవరంలో మంగళవారం తూర్పు కాపు రాష్ట్ర స్థాయి నాయకులతో పవన్ కళ్యాణ్ భేటీ అయ్యారు. ఈ సందర్భంగా పవన్ కళ్యాణ్ మాట్లాడుతూ.. ప్రజా సమస్యలను తెలుసుకునే కార్యక్రమమే ‘జనవాణి’ అని చెప్పారు.
తూర్పు కాపులు తమ సమస్యల్ని చెప్పినప్పుడు క్షుణ్ణంగా విన్నానని, వారి క్షోభను దగ్గరి నుంచి చూశానని పవన్ కళ్యాణ్ అన్నారు. వంశధార నిర్వాసితుల్లో ఎక్కువ మంది తూర్పు కాపులే ఉన్నారని ఆవేదన వ్యక్తం చేశారు. తూర్పు కాపులు ఎక్కువగా వలసలు వెళ్తున్నారని చెప్పారు. దేశంలో ఏ నిర్మాణం వెనకైనా ఉత్తరాంధ్ర తూర్పు కాపులు ఉన్నారని పేర్కొన్నారు. వారి జనాభాపై ఒక్కో ప్రభుత్వం ఒక్కో లెక్క చెబుతోందని చెప్పారు.
ఏ ప్రాతిపదికన లెక్కలు చెబుతున్నారో అర్థం కావడం లేదని పవన్ కళ్యాణ్ అన్నారు. జనసేన పార్టీ వస్తే ముందుగా లెక్కలు తీస్తామని.. తెలంగాణ సమాజంలోనూ తూర్పు కాపుల సంఖ్య ఎక్కువ అని పేర్కొన్నారు. అందుకే సమాజానికి ఎంతో చేస్తున్న తూర్పు కాపులకు ఏదో ఒకటి చేయాలని పరితపిస్తున్నానని పవన్ కళ్యాణ్ అన్నారు.
|
|