కార్యకర్త కోసం యువనేత డాక్టర్ కోడెల ఆర్థిక సహాయం
Andhra Pradesh Telugu | Suryaa Desk | Published : Sat, Jul 01, 2023, 03:09 PM
నమ్ముకున్న కార్యకర్త కోసం తన కుటుంబం ఎల్లప్పుడూ ముందుంటుందని అండగా నిలబడి ఆర్థిక సహాయం అందజేశారు సత్తెనపల్లి తెలుగుదేశం పార్టీ నియోజకవర్గ నాయకులు యువనేత డాక్టర్ కోడెల శివరాం. సత్తనపల్లి తెలుగుదేశం పార్టీ గ్రామ కార్యదర్శి మట్టుపల్లి సాంబయ్య ఇటీవల ప్రమాదానికి గురై ఆరోగ్య పరిస్థితి సరిగ్గా లేక చికిత్స పొందుతున్నారు. కార్యకర్తల ద్వారా విషయం తెలుసుకున్న యువనేత డాక్టర్ కోడెల శివరాం శనివారం ఇంటింటికి మీ కోడెల కార్యక్రమంలో భాగంగా పార్టీ కార్యదర్శిని పరామర్శించి ఆరోగ్యానికి సంబంధించిన వైద్య రిపోర్టర్లు పరిశీలించి పలు సలహాలు సూచనలు అందజేశారు. అనంతరం కార్యకర్త కుటుంబ ఆర్థిక ఇబ్బందులు పడటంతో గమనించి స్వర్గీయ డాక్టర్ కోడెల శివప్రసాదరావు చారిటబుల్ ట్రస్ట్ నుండి పది వేలు రూపాయలు ఆర్థిక సహాయాన్ని అందజేశారు. నాయకుని, పార్టీని నమ్ముకున్న కార్యకర్తల కోసం కోడెల కుటుంబం ఎప్పుడూ అండగా ఉంటుందని మరోసారి రుజువు చేస్తూ వారికి భరోసానందించారు. కార్యక్రమంలో కోడెల వెంట తెలుగుదేశం పార్టీ నాయకులు, కార్యకర్తలు పాల్గొన్నారు.
|
|