ట్రెండింగ్
రోడ్డు ప్రమాదంలో వ్యక్తి మృతి
Andhra Pradesh Telugu | Suryaa Desk | Published : Mon, Jul 17, 2023, 05:41 PM
విజయనగరం నగరంలోని గుమ్చీ రోడ్డు డౌన్‌లో రోడ్డు ప్రమాదంలో ఒక వ్యక్తి మృతి చెందారు. వివరాల్లోకి వెళ్ళితే... గుండ్రోతు సూర్యనారాయణ (37) గుమ్చీరోడ్డులో టీ షాపు నడుపుకుంటూ గత మూడేళ్లుగా జీవనం సాగిస్తున్నాడు. ప్రతి రోజు ఉదయం ఐదు గంటలకు వచ్చి షాపు తీసుకుని వ్యాపారం మొదలుపెడతాడు. అలాగే ఆదివారం ఉదయం ఐదు గంటల సమయంలో షాపు తీసి ముందువైపు రోడ్డుని ఊడ్చుతుండగా, గుమ్చీ వైపు నుంచి కోట వైపు వస్తున్న ఆటో బలంగా ఢీ కొనడంతో తీవ్ర గాయాలతో అక్కడికక్కడే మృతి చెందాడు. సంఘటన స్థలానికి టూటౌన్‌ ఎస్‌ఐ షేక్‌ శంకర్‌ సిబ్బంది చేరుకుని జరిగిన తీరును పరిశీలించి మృతదేహాన్ని పోస్టుమార్టం నిమిత్తం కేంద్రాసుపత్రికి తరలించారు.
|
|