డాక్టర్‌ను కన్సల్టేషన్ అడగబోయి కన్సెంట్ అడిగాడు,,,స్క్రీన్ షాట్ షేర్ చేసిన మహిళా డాక్టర్

సోషల్ మీడియా సమాజంలో పరిధులు చెరిపేస్తోంది. ప్రపంచంలో ఏ మూలన ఉన్నా.. టచ్‌లో ఉండే అవకాశం కల్పిస్తోంది. చాలా మంది సోషల్ మీడియాను దుర్వినియోగం చేస్తుండగా.. కొందరు మాత్రం దాని ద్వారా సమాజానికి మేలు చేయడంతోపాటు.. తాము కూడా లబ్ధిపొందుతున్నారు. అలాంటి వారిలో డాక్టర్లు ముందు వరసలో ఉంటారు. చాలా మంది డాక్టర్లు ట్విట్టర్ ద్వారా తమ అనుభవాలను, రీసెంట్‌గా తాము డీల్ చేసిన క్లిష్టమైన కేసులను గురించి ట్వీట్లు చేస్తున్నారు. దీని వల్ల నెటిజన్లలో అవగాహన పెరగడంతోపాటు.. ఆ డాక్టర్లకు మంచి పేరు రావడంతోపాటు.. ఆటోమెటిగ్గా వాళ్ల ఆదాయం కూడా పెరుగుతుంది. కొందరు డాక్టర్లు కాసేపు రిలాక్స్ కావడానికి, తమ అభిరుచులను పంచుకోవడానికి సోషల్ మీడియాలో పోస్టులు చేస్తుంటారు.

ఛండీగఢ్‌కు చెందిన అజయిత అనే డాక్టర్ కూడా ఈ కోవకే చెందుతారు. ఆమె ఎక్కువగా సరదాగా ఉండే ట్వీట్లు చేస్తుంటారు. ఆమె చేసిన ఓ ట్వీట్ వైరల్ అవుతోంది. ‘మేడమ్.. ఆర్ యూ ఫ్రమ్ ఛండీగఢ్..? ఐ నీడ్ యువర్ కన్సెంట్ అబౌట్ సెక్స్’ అని ఒకరు ఆమెకు పర్సనల్‌గా మెసేజ్ చేశారు. దాన్ని స్క్రీన్ షాట్ తీసిన ఆమె.. అది కన్సెంట్ కాదు.. కన్సల్టేషన్ అంటూ తల బాదుకునే ఎమోజీతో ట్వీట్ చేశారు. ఆ మెసేజ్ చేసింది ఎవరో తెలియకుండా ముఖం బ్లర్ చేశారు. కానీ చూస్తుంటే అది అబ్బాయి ఫొటోలాగే ఉంది.

డాక్టర్ కన్సల్టేషన్ అంటే ఓ ఆరోగ్య సమస్య గురించి డాక్టర్‌కు కలవడం. అదే కన్సెంట్ అంటే ఎదుటి వ్యక్తి సమ్మతిని అడగటం. కన్సల్టేషన్ బదులు కన్సెంట్ అని రాయడంతో.. అది సెక్స్ సమస్యల కోసం డాక్టర్‌‌ను సంప్రదించడం అని కాకుండా.. సెక్స్ కోసం ఆమె సమ్మతి కోరుతున్నట్లుగా అర్థం మారిపోయింది. ఎదుటోడి ఇంగ్లిష్‌ను ఆమె అర్థం చేసుకుని, సరదాగా స్పందించారు కాబట్టి సరిపోయింది. ఆమె స్థానంలో మరొకరు ఉండుంటే రియాక్షన్ ఇంకోలా ఉండేదేమో.

డాక్టర్ చేసిన ఈ ట్వీట్‌ చూసి నెటిజన్లు తెగ నవ్వుకుంటున్నారు. ఇంతకూ మీరు యస్ చెప్పారా లేదంటే నో చెప్పారా..? అని ఓ నెటిజన్ సరదాగా ప్రశ్నించాడు. అతడు కావాలనే అలా అడుగుతున్నాడేమో.. ఆ యాంగిల్‌లో కూడా ఆలోచించండి మేడం అని మరో వ్యక్తి సూచించాడు. ‘ఆటో కరెక్ట్.. అంటూ వాడు డబుల్ గేమ్ ఆడుతుండొచ్చు.. ఛాన్స్ తీసుకుంటున్నాడు’ అని మరో నెటిజన్ వ్యాఖ్యానించాడు.

ఇంతకూ ఈ లేడీ డాక్టర్‌ కన్సెంట్ కోసం.. అదే లేండీ కన్సల్టేషన్ కోసం ఎందుకు మెసేజ్ పెట్టాడనే డౌట్ మీకొచ్చిందా..? ఆమె ఆయుర్వేదానికి సంబంధించిన మందులు అమ్మే జామూన్.కామ్ అనే వెబ్‌సైట్‌‌ను ప్రమోట్ చేస్తోంది, బహుశా అక్కడే ఆమె పని చేస్తుందేమో. ఆ సైట్లో హెయిర్ ఆయిల్స్, పెయిన్ రిలీఫ్ ఆయిల్స్‌తోపాటు బెడ్ మీద మగాళ్ల ‘శక్తి సామర్థ్యాలు’ పెంచే ఆయుర్వేద ఆయిల్స్‌ను కూడా విక్రయిస్తుంటారు. అది చూశాకే అతగాడు.. డాక్టర్‌ గారినే నేరుగా అడిగేద్దామని మెసేజ్ పెట్టి ఉంటాడు.