ట్రెండింగ్
చిరంజీవి పై కేసు కొట్టివేత
Andhra Pradesh Telugu | Suryaa Desk | Published : Wed, Jul 26, 2023, 04:24 PM
2014 సార్వత్రిక ఎన్నికల సందర్భంగా సినీ నటుడు చిరంజీవి పై గుంటూరు, అరండల్ పేట పోలీసులు నమోదు చేసిన కేసును మంగళవారం హైకోర్టు కొట్టివేసింది. ఈ మేరకు హైకోర్టు న్యాయమూర్తి జస్టిస్ కే శ్రీనివాసరెడ్డి మంగళవారం ఉత్తర్వులు జారీ చేశారు. 2014 ఎన్నికల సందర్భంగా రాత్రి 10 గంటల తరువాత ప్రచారం నిర్వహించారని, ట్రాఫిక్ అంతరాయం కలిగించారని పేర్కొంటూ అప్పటి అయనపై గుంటూరు అరండల్ పేట పోలీసులు కేసు నమోదు చేశారు. ఈ కేసులో పోలీసులు చార్జ్షీట్ దాఖలు చేయగా గుంటూరు రైల్వే కోర్టులో విచారణ జరుగుతుంది. పోలీసులు నమోదు చేసిన కేసును కొట్టివేయాలని, రైల్వే కోర్టులో విచారణ ప్రక్రియను నిలుపుదల చేయాలని కోరుతూ చిరంజీవి హైకోర్టును ఆశ్రయించారు. ఈ వ్యాజ్యం మంగళవారం విచారణకు రాగా పిటిషనర్ తరఫున న్యాయవాది ఏ స్వరూపారెడ్డి వాదనలు వినిపించారు.
|
|