ట్రెండింగ్
సీఎం జగన్ తో ఎంపీ అవినాష్ రెడ్డి భేటీ... రాజకీయ వర్గాల్లో ఆసక్తికర చర్చ
Andhra Pradesh Telugu | Suryaa Desk | Published : Thu, Jul 27, 2023, 04:34 PM
ఏపీలో మాజీ మంత్రి వై. ఎస్. వివేకానందరెడ్డి హత్య కేసు రాజకీయంగా దుమారం రేపిన విషయం తెలిసిందే. ఏపీ సీఎం వైఎస్‌ జగన్‌ను కడప వైసీపీ ఎంపీ అవినాశ్ రెడ్డి కలిశారు. ఈ రోజు తాడేపల్లిలోని సీఎం క్యాంపు కార్యాలయంలో జగన్‌తో భేటీ అయ్యారు. మాజీ మంత్రి వివేకానందరెడ్డి హత్య కేసులో నిందితుడిగా అవినాశ్‌రెడ్డిని సీబీఐ చేర్చిన సంగతి తెలిసిందే. దీనిపై పలుమార్లు అవినాశ్‌ను విచారించిన అధికారులు.. ఇటీవల సీబీఐ కోర్టులో చార్జ్‌షీట్‌ కూడా దాఖలు చేశారు. అందులో కీలకమైన పలువురు సాక్షుల వాంగ్మూలాలను సీబీఐ వెల్లడించింది. ఈ నేపథ్యంలో జగన్‌తో అవినాశ్ సమావేశం కావడం ప్రాధాన్యతను సంతరించుకుంది.
|
|