అత్యంత ఘాటైన ముద్దు పెట్టుకుని,,గిన్నీస్ బుక్ ఆఫ్‌ రికార్డ్స్‌లో చోటు దక్కించుకున్న జంట

ముద్దుతో గిన్నీస్ బుక్ ఆఫ్ వరల్డ్ రికార్డ్స్‌లో చాలా మంది ఇప్పటికే చోటు దక్కించుకున్నారు. అయితే తాజాగా ఓ జంట వినూత్నంగా ఈ ముద్దు పెట్టుకుని సరికొత్త రికార్డును వశం చేసుకుంది. కెనడాకు చెందిన మైక్, జామీ జాక్ దంపతులు ఈ గిన్నీస్ బుక్ ఆఫ్ వరల్డ్ రికార్డును నెలకొల్పారు. వీరిద్దరు 15 నిమిషాల 6.5 సెకన్ల పాటు లిప్‌లాక్ చేసుకున్నారు. అయితే ఇంతకంటే ఎక్కువ సమయం ముద్దు పెట్టుకున్నవారు ఇప్పటికే గిన్నీస్ బుక్‌లో చోటు సంపాదించారు. అయితే మైక్, జామీ జాక్ ముద్దు వెనక మరో ట్విస్ట్ ఉంది. అదేంటి అంటే ప్రపంచంలోనే అత్యంత ఘాటైన, కారమైన మిరపకాయను వారు లిప్‌లాక్‌కు ముందు తిన్నారు. ఆ తర్వాత వారు ఈ 15 నిమిషాల 6.5 సెకన్ల పాటు ముద్దు పెట్టుకోవడం ఈ గిన్నీస్ బుక్‌ ఆఫ్ వరల్డ్ రికార్డ్స్‌లో చోటు దక్కించుకోవడానికి కారణం. ఈ మిరపకాయను ‘హెబనెరో పెప్పర్‌’ అని పిలుస్తారు. ఇంత ఘాటు, కారమైన హెబనెరో పెప్పర్ తిన్న తర్వాత 15 నిమిషాలకు పైగా లిప్‌లాక్ చేసుకోవడం సాధారణమైన విషయం కాదని నిపుణులు చెబుతున్నారు.

అయితే మైక్, జామీ జాక్ జంట త్వరలోనే తమ 15 వ మ్యారేజ్ డేను జరుపుకోనున్నారు. ఈ 15 వ వివాహ వార్షికోత్సవాన్ని చిరకాలం గుర్తుంచుకునే విధంగా ఉండేందుకే ఈ ఘాటైన ముద్దు పెట్టుకున్నట్లు గిన్నీస్ బుక్‌లో పేరు సంపాదించుకున్న తర్వాత ఆ జంట వెల్లడించింది. అయితే ప్రపంచంలోనే ఘాటైన పెప్పర్లు తిన్న రికార్డులు ఇప్పటికే మైక్‌ పేరిట ఉండటం గమనార్హం. అయితే ఇలాంటి రికార్డుల్లో తన సతీమణి జామీ జాక్‌ పేరును కూడా ఉంచాలనే ఉద్దేశంతోనే ఈ ఘాటైన లిప్‌లాక్ చేసినట్లు వివరించారు. ఈ ఘనతను సాధించేందుకు తాము ఇద్దరం రోజూ ప్రాక్టీస్ చేసేవారమని వెల్లడించారు. తన భార్య జామీ జాక్‌కు నెల రోజుల నుంచి ఈ లిప్‌లాక్ గురించి ట్రైనింగ్ ఇచ్చినట్లు మైక్ తెలిపాడు.

గిన్నీస్‌ బుక్ ఆఫ్ వరల్డ్ రికార్డులో పేరు లిఖించుకోవడంపై మైక్, జామీ జాక్ దంపతులు చాలా సంతోషం వ్యక్తం చేశారు. తమ రికార్డు పట్ల స్నేహితులు, బంధువులు, కుటుంబ సభ్యులు ఆనందంగా ఉన్నారని చెప్పారు. ఇది జామీ జాక్‌కు తొలి వరల్డ్ రికార్డు కావడంతో ఆమె మరింత ఎక్కువ ఆనందంలో ఉందని మైక్ వెల్లడించాడు. అయితే ఈ రికార్డుతోనే తమ జంట ఆగిపోదని.. త్వరలోనే ‘భూట్ జోలోకియా చిల్లీ పెప్పర్’ తిని మరో సరికొత్త లిప్‌లాక్ రికార్డు సొంతం చేసుకుంటామని మైక్ ధీమా వ్యక్తం చేశాడు.