వాలంటీర్లకు అదనపు బాధ్యతలు
Andhra Pradesh Telugu | Suryaa Desk | Published : Sat, Jul 29, 2023, 03:05 PM
గోదావరిలో వరద పెరుగుతున్న నేపథ్యంలో గట్లకు వలంటీర్ల ద్వారా రక్షణ కల్పించనున్నారు. ప్రతి అర కిలోమీటరుకు ఒక వలంటీర్ను ఏర్పాటు చేశారు. రాత్రంతా వలంటీర్లు గట్లపై రక్షణ నిలువనున్నారు. రాష్ట్రంలో కురుస్తున్న భారీ వర్షాలపై సీఎం వైయస్ జగన్ మోహన్ రెడ్డి తాడేపల్లిలోని క్యాంప్ కార్యాలయంలో సమీక్ష సమావేశం నిర్వహించారు. వర్ష ప్రభావిత జిల్లాల కలెక్టర్లతో వీడియో కాన్ఫరెన్స్ నిర్వహించి ఆదేశాలు జారీ చేశారు. వర్ష ప్రభావం, తీసుకుంటున్న చర్యలు, తీసుకోవాల్సిన చర్యలపై ప్రాధానంగా చర్చ జరిగింది. వర్ష ప్రభావిత జిల్లాల కలెక్టర్లకు ప్రభుత్వం వైపు నుంచి తీసుకోవాల్సిన చర్యలపై సీఎం వైయస్ జగన్ దిశానిర్దేశం చేశారు. క్షేత్ర స్థాయిలో పర్యటనలు చేయాలని ఇప్పటికే ప్రభావిత నియోజకవర్గాల ఎమ్మెల్యేలు, సమన్వయకర్తలకు ముఖ్యమంత్రి వైయస్ జగన్ ఆదేశాలు జారీ చేశారు.
|
|