ట్రెండింగ్
రెచ్చకొట్టడం వల్లే దాడులు
Andhra Pradesh Telugu | Suryaa Desk | Published : Sat, Aug 05, 2023, 02:19 PM
టీడీపీ అధినేత చంద్రబాబు నాయుడు చిత్తూరు జిల్లాలో సాగునీటి ప్రాజెక్టుల పర్యటనలో భాగంగా చంద్రబాబు యుద్ధభేరి పేరుతో విస్తృత పర్యటన సాగిస్తున్నారు. అయితే.. చిత్తూరు జిల్లా పర్యటనలో అంగళ్లు, పుంగనూరులో వైసీపీ నేతలు రెచ్చిపోయి.. రణరంగంగా మార్చారు! అని టీడీపీ నేతలు వాపోతున్నారు. చంద్రబాబు కాన్వాయ్పై రాళ్ల దాడి, టీడీపీ వాహనాలను ధ్వంసం చేసినా పోలీసులు ప్రేక్షక పాత్ర పోషించారని ప్రతిపక్షాలు తీవ్ర ఆగ్రహం వ్యక్తం చేస్తున్నాయి. అంగళ్లులో దాడులు, ఆ తర్వాత పుంగనూరులో అడ్డగింతలు, లాఠీచార్జి, బాష్పవాయు ప్రయోగంతో రగిలిన టీడీపీ కార్యకర్తల్లో కొందరు దాడులకు దిగాల్సి వచ్చింది. పోలీసు వాహనాలనూ ధ్వంసం చేశారు. రాళ్లు తగలడంతో పలువురు పోలీసులూ గాయపడ్డారు. దీనికి కారణం పెద్దిరెడ్డే అని టీడీపీ నేతలు ఆరోపిస్తున్నారు.
|
|