పంచాయత్ రాజ్ వ్యవస్థని బ్రష్టు పట్టించారు
Andhra Pradesh Telugu | Suryaa Desk | Published : Thu, Aug 10, 2023, 02:21 PM
గత నాలుగు సంవత్సరాల నుంచి వైసీపీ చేస్తున్న అరాచకాలు చాలా ఉన్నాయని.. అందులో పంచాయత్ రాజ్ వ్యవస్థలో జరుగుతున్న అవకతవకలు ఎక్కువుగా ఉన్నాయని మాజీ కేంద్ర మంత్రి సుజనా చౌదరి వ్యాఖ్యలు చేశారు. గురువారం గ్రామ పంచాయితీ నిధులు, సర్పంచుల హక్కుల పరిరక్షణకై వైసీపీ ప్రభుత్వంపై విజయవాడ ధర్నా చౌక్లో నిరసన చేపట్టారు. నిరసనలో మాజీ రాజ్యసభ సభ్యుడు సుజనా చౌదరి, సర్పంచ్ ల సంఘం రాష్ట్ర అధ్యక్షుడు వైవిబి రాజేంద్ర ప్రసాద్, జనసేన నేత పోతిన మహేష్ పాల్గొన్నారు. ఈ సందర్భంగా సుజనాచౌదరి మాట్లాడుతూ.. రాజ్యాంగం రాసినప్పుడు తెలియలేదు ఇలాంటి జగన్ రెడ్డి ప్రభుత్వం వచ్చి పంచాయత్ రాజ్ వ్యవస్థను అస్తవ్యస్తంగా చేస్తారని అని అన్నారు. రాష్ట్రానికి వచ్చిన కేంద్ర నిధులు అనేక విధాలుగా దారి మళ్లింపులు చేస్తున్నారని మండిపడ్డారు. పంచాయత్ వ్యవస్థకు సమంతరంగా వాలంటీర్ వ్యవస్థను పెట్టారన్నారు. ఇదంతా కూడా ప్రభుత్వానికి సంబంధించిన ప్రైవేట్ వ్యవస్థ అంటూ వ్యాఖ్యలు చేశారు. జనసేన అధ్యక్షులు పవన్ కళ్యాణ్ కూడా చాలా విపులంగా చెప్పారు కానీ వాళ్ళు మాత్రం డైవర్ట్ చేసారన్నారు. పంచాయత్ నిధుల గోల్ మాల్పై రాజేంద్రప్రసాద్ కేంద్ర మంత్రికి రిప్రెసెంటేషన్ కూడా ఇవ్వటం జరిగిందని సుజనా చౌదరి పేర్కొన్నారు.
|
|