ట్రెండింగ్
కనీసం కుప్పానికైనా నీళ్లు ఇచ్చావా
Andhra Pradesh Telugu | Suryaa Desk | Published : Thu, Aug 17, 2023, 12:49 PM
చంద్రబాబుది దిక్కుమాలిన విజన్‌ అంటూ వైయస్‌ఆర్‌సీపీ అధికార ప్రతినిధి, మాజీ మంత్రి పేర్ని నాని మండిపడ్డారు. చంద్రబాబు 2020 విజన్‌ ఏమైందని ప్రశ్నించారు. అటకెక్కిందా అని ధ్వజమెత్తారు. చంద్రబాబు విజనరీ ఒక్క ప్రాజెక్టు కూడా కట్టలేకపోయాడని విమర్శించారు. కనీసం కుప్పానికైనా నీళ్లు ఇచ్చావా అని నిలదీశారు. ప్రభుత్వ స్కూళ్లకు తాళం వేయడమే చంద్రబాబు విజన్‌ అని ఎద్దేవా చేశారు. ప్రభుత్వ ఆసుపత్రుల్లో పేదల నుంచి డబ్బులు వసూలు చేయడం బాబు దిక్కుమాలిన విజన్‌ అంటూ ఆగ్రహం వ్యక్తం చేశారు. విద్యుత్‌ చార్జీలు తగ్గించమంటే కాల్పులు జరిపించిన ఘనుడు చంద్రబాబు..విజన్‌ పబ్లిసిటీ తప్ప చంద్రబాబుకు విజన్‌ ఉందా అని ప్రశ్నించారు.
|
|