ట్రెండింగ్
భరోసాలో జ‌గ‌న్ ని మించిన వారు లేరు
Andhra Pradesh Telugu | Suryaa Desk | Published : Wed, Aug 30, 2023, 07:12 PM
డా. బి.ఆర్‌.అంబేద్క‌ర్ కోన‌సీమ జిల్లా, అయిన‌విల్లి మండ‌లం, తొత్త‌ర‌మూడి గ్రామానికి చెందిన గ‌న్న‌వ‌ర‌పు ఝాన్సీరాణి కిడ్నీ పేషెంట్‌. 32 ఏళ్ల ఝాన్సీరాణికి పెళ్ల‌యి.. ఇద్దరు మ‌గ‌పిల్ల‌లు కూడా ఉన్నారు. భ‌ర్త కూలి ప‌నితో వ‌చ్చే అంతంత మాత్రం ఆదాయ‌మే కుటుంబానికి ఆధారం. ఎప్ప‌టిక‌ప్పుడు వైద్య ప‌రీక్ష‌లు చేయించుకునేందుకు ఆర్థిక ప‌రిస్థితి స‌హ‌క‌రించ‌డం లేదు. బుధ‌వారం జ‌గ్గంపేట శాస‌న‌స‌భ్యులు జ్యోతుల చంటిబాబు కుమార్తె వివాహ వేడుక‌లో పాల్గొనేందుకు ముఖ్య‌మంత్రి వైయ‌స్ జ‌గ‌న్ మోహ‌న్ రెడ్డి జ‌గ్గంపేట మండ‌లం, ఇర్రిపాక రాగా హెలిప్యాడ్ వ‌ద్ద ఝాన్సీరాణి.. ముఖ్య‌మంత్రిగారిని క‌లిసి త‌మ దీన ప‌రిస్థితిని వివ‌రించింది. ఎలాగైనా ఆదుకోవాల‌ని.. ఏదైనా ఉద్యోగం ఇప్పించాల‌ని విజ్ఞ‌ప్తి చేయ‌గా.. అధైర్య‌ప‌డొద్ద‌ని త‌ప్ప‌కుండా ఆదుకుంటామ‌ని ముఖ్య‌మంత్రి భ‌రోసా ఇచ్చారు.
|
|