మహిళా ఉద్యోగినిని కించపరిచిన సీనియర్,,,ఐపీసీ సెక్షన్ 509 కింద కేసు బుక్ చేసిన పోలీసులు

మహిళను అవమానించడం లేదా అసభ్యంగా ప్రవర్తించడం, వారి గౌరవానికి భంగం కలిగించడం.. ఏమాత్రం సమర్ధనీయం కాదని ఢిల్లీ హైకోర్టు స్పష్టం చేసింది. ఈ మేరకు ఓ మహిళను ‘పనికిమాలింది’అని సంబోధించిన వ్యక్తిపై ఐపీసీ 509 కింద నమోదైన కేసును కొట్టివేసింది. లింగ-నిర్దిష్ట చట్టాలు ప్రత్యేక సమస్యలను పరిష్కరించడానికి ఉద్దేశించినవి కాదని ఢిల్లీ హైకోర్టు స్పష్టం చేసింది. ఒక చట్టం లింగ నిర్ధిష్ట వాస్తవాన్ని తప్పుగా అర్థం చేసుకోరాదని, ఈ విషయంలో న్యాయమూర్తి పాత్ర కూడా తటస్థత నుంచి నిర్దిష్ట జెండర్ వైపు మొగ్గు చూపే విధంగా మారుతుందని వ్యాఖ్యానించింది. చట్టం లింగ-నిర్దిష్ట స్వభావంతో సంబంధం లేకుండా న్యాయ విధికి ప్రాథమికంగా అచంచలమైన తటస్థత, నిష్పాక్షికత అవసరమని నొక్కి చెప్పింది.

‘సమాజంలోని లింగ వివక్షతను ఎదుర్కొంటున్నవారి ప్రత్యేక ఆందోళనలు, సవాళ్లను పరిష్కరించడానికి లింగ-నిర్దిష్ట చట్టం ఉంది. ఏది ఏమైనప్పటికీ చట్టంలో నిర్దిష్ట వ్యక్తులకు అనుకూలంగా నిర్దిష్ట అంచనాలు చట్టబద్ధం చేసినప్పుడు తప్ప.. లింగ సంబంధిత కారకాలతో న్యాయమూర్తి ప్రభావితమవుతారని సూచించదు’ అని పేర్కొంది. ‘న్యాయపరమైన తటస్థత అనేది న్యాయ వ్యవస్థలో ఒక అనివార్యమైన మూలస్తంభం.. లింగ భేదం లేకుండా అందరినీ సమానంగా పరిగణించాలని నిర్ధారిస్తుంది’ అని జస్టిస్ స్వర్ణ కాంత శర్మ అన్నారు. IPC సెక్షన్ 509 (ఒక మహిళను కించపరిచేలా ఉద్దేశించిన పదం, సంజ్ఞ లేదా చర్య) కింద అభియోగం మోపుతూ ట్రయల్ కోర్టు ఇచ్చిన ఉత్తర్వులను పక్కనబెట్టిన కోర్టు.. అతడిపై ప్రాథమికంగా కేసు నమోదు చేసినట్టు హైకోర్టు పేర్కొంది.

ప్రాసిక్యూషన్ కేసు ప్రకారం.. ఫిర్యాదు చేసిన మహిళ, నిందితులు ఒకే సంస్థలో పనిచేస్తున్నారు. ఆ వ్యక్తి ఆమెకు సీనియర్. మహిళను రూ. 1,000 అప్పుగా అడిగితే.. ఇవ్వలేదని ఆమెను ‘పనికిమాలింది’ అనే అర్ధం వచ్చేలా నిందితుడు అసభ్య పదజాలం ఉపయోగించినట్టు ఆరోపిస్తూ పోలీసులకు ఫిర్యాదు చేసింది. దీంతో అతడిపై ఐపీసీ సెక్షన్ 509 కింద కేసు నమోదుచేయగా.. హైకోర్టు తప్పుబట్టింది. ఒక మహిళ పరువుకు భంగం కలిగించే నేరపూరిత ఉద్దేశాన్ని ప్రతిబింబించే ఇతర పదాలు ప్రస్తావన లేదా సందర్భం ఉంటే కేసు ఫలితం భిన్నంగా ఉండేదని న్యాయస్థానం వ్యాఖ్యానించింది.