స్కిల్ డెవలప్ మెంట్ ఎంతోమందికి ఉపయోగపడుతోంది... మురళీమోహన్,
Andhra Pradesh Telugu | Suryaa Desk | Published : Wed, Sep 13, 2023, 07:58 PM
స్కిల్ డెవలప్ మెంట్ ఎంతోమందికి ఉపయోగపడుతోందని మాజీ ఎంపీ, ప్రముఖ నటుడు, నిర్మాత మురళీమోహన్ పేర్కొన్నారు. తాను గతంలో రాజమండ్రి ఎంపీగా పనిచేశానని, తనకు అక్కడి వివరాలు ఏ టు జెడ్ తెలుసని అన్నారు. సెంట్రల్ జైలు గురించి కూడా తెలుసని చెప్పారు. రాజమండ్రి జైలులో స్కిల్ డెవలప్ మెంట్ సెంటర్ కూడా ఉందని మురళీమోహన్ వెల్లడించారు. అక్కడి ఖైదీలతో పెట్రోలు బంకులు ఏర్పాటు చేయించారని, నేత పనులు, వెల్డింగ్ పనులు, ఐరన్ వర్క్స్, బీరువాలు, స్కూలు బెంచీల తయారీలోనూ ఖైదీలకు శిక్షణ ఇచ్చారని వివరించారు. ఇక్కడి ఖైదీలకు స్కిల్ డెవలప్ మెంట్ శిక్షణ కార్యక్రమం అమలు చేస్తున్నారని, వారు సొంతంగా సంపాదించుకునేలా వృత్తిపనులు నేర్పిస్తున్నారని మురళీమోహన్ తెలిపారు. స్కిల్ డెవలప్ మెంట్ ఇలా ఎంతోమందికి ఉపయోగపడుతోందని అన్నారు. గతం వారం రోజులుగా పేపర్లలో చూస్తే... మా పిల్లలు స్కిల్ డెవలప్ మెంట్ శిక్షణ కారణంగా మంచి ఉద్యోగాల్లో ఉన్నారని వారి తల్లిదండ్రులు చెబుతుండడం చూడొచ్చని మురళీమోహన్ వివరించారు. దాని వల్ల ఎంత లబ్ది పొందారో అర్థం చేసుకోవచ్చని తెలిపారు.
|
|