ట్రెండింగ్
స్కిల్‌ డెవల్‌పమెంట్‌ విషయంపై సోమవారం మాట్లాడనున్న సీఎం జగన్
Andhra Pradesh Telugu | Suryaa Desk | Published : Sat, Sep 23, 2023, 01:56 PM
సీఎం జగన్‌కు వైరల్‌ జ్వరం తగ్గలేదు. జలుబు, దగ్గుతో కూడా బాధ పడుతున్నారు. ఈ నేపథ్యంలో శుక్రవారం అసెంబ్లీలో స్కిల్‌ డెవల్‌పమెంట్‌ విషయంలో ఆయన మాట్లాడలేకపోయారు. మాజీ మంత్రులు కురసాల కన్నబాబు, పేర్ని నాని, ఆర్థిక, శాసనసభా వ్యవహారాల మంత్రి బుగ్గన రాజేంద్రనాథ్‌రెడ్డి మాట్లాడారు. సీఎం 25వ తేదీన (సోమవారం) ఈ అంశంపై ప్రసంగించనున్నారు. కాగా, బుగ్గన సభలో మాట్లాడుతుండగా.. చంద్రబాబు క్వాష్‌ పిటిషన్‌ను హైకోర్టు కొట్టివేసిందని సీఎం ఆయనకు స్లిప్‌ పంపారు. బుగ్గన దానిని చదివి వినిపించారు. చంద్రబాబు జైల్లో ఆత్మావలోకనం చేసుకుంటే పరివర్తన వస్తుందని మాజీ మంత్రి కన్నబాబు అన్నారు. బాలకృష్ణ ఒక సర్టిఫైడ్‌ సైకో అని, మానసిక స్థితి సరిగా లేదని సర్టిఫికెట్‌ ఉన్న ఒకే ఒక నేత ఆయనేనని చెప్పారు.
|
|