తిరుపతిలో ఫ్రైడ్ రైస్ తిని యువకుడికి అస్వస్థత,,,ఆస్పత్రిలో చికిత్సపొందుతూ మృతి
Andhra Pradesh Telugu | Suryaa Desk | Published : Sat, Sep 23, 2023, 07:07 PM
తిరుపతిలో యువకుడి మరణం తీవ్ర విషాదాన్ని నింపింది. ఫ్రైడ్ రైస్ తిని అస్వస్థతకు గురై ప్రాణాలు కోల్పోయాడు. తిరుపతి రూరల్ కాలురూకు చెందిన నరేంద్ర అనే యువకుడు ఫాస్ట్ ఫుడ్ సెంటర్‌లో ఎగ్ ప్రైడ్ రైస్ తిన్నాడు. అక్కడి నుంచి ఇంటికి వచ్చేశాడు.. కొద్దిసేపటికి తీవ్ర అస్వస్థతకు గురయ్యాడు. వెంటనే నరేంద్ర తండ్రి దగ్గరలో ఉన్న ఆస్పత్రికి తీసుకెళ్లారు.. అక్కడి వైద్యులు మెరుగైన వైద్యం కోసం రుయా ఆస్పత్రికి తీసుకెళ్లాలని సూచించారు.
యువకుడు రుయా ఆసుపత్రిలో చికిత్స పొందుతూ చనిపోయాడు. ఫ్రైడ్ రైస్ తినొచ్చిన తర్వాత నరేంద్ర అస్వస్థతకు గురయ్యాడని కుటుంబ సభ్యులు చెబుతున్నారు. ఫుడ్ పాయిజన్ కారణంగానే నరేంద్ర చనిపోయాడని తల్లిదండ్రులు ఆరోపిస్తున్నారు. ఎగ్ ఫ్రైడ్ రైస్ విక్రయించిన దుకాణం షాపుపై నరేంద్ర కుటుంబసభ్యులు పోలీసులకు ఫిర్యాదు చేశారు. నరేంద్ర మరణాన్ని అనుమానాస్పదంగా కేసు నమోదు చేసి దర్యాప్తు చేస్తున్నారు. అధికారులు నరేంద్ర ఫ్రైడ్ రైస్ తిన్న షాపుకు వెళ్లి తనిఖీలు చేస్తున్నారు. నరేంద్ర చనిపోవడంతో తల్లిదండ్రులు కన్నీటిపర్యంతం అయ్యారు.
|
|