బయటపడిన 114 ఏళ్ల కిందటి మెడికల్ స్టోర్‌,,,, షాక్ అయిన స్థానికులు

పూర్వ కాలంలో ఉపయోగించిన వస్తువులు, అప్పటి ఆనవాళ్లను తెలిపే ఆధారాలు అప్పుడప్పుడు అక్కడక్కడా వెలుగులోకి వస్తూ ఉంటాయి. అయితే ఆ వస్తువులు గానీ ఆధారాలు గానీ అప్పటి చరిత్రను తెలియజేసేందుకు.. వాటిని ఎలా ఉపయోగించాలన్న విధానాన్ని తెలియజేస్తూ ఉంటాయి. తాజాగా బ్రిటన్‌లో 114 ఏళ్ల క్రితం నాటి ఒక మెడికల్ స్టోర్‌ బయటికి వచ్చింది. ఈ మెడికల్ స్టోర్‌లో ఏం బయటపడ్డాయి అనేది ఇప్పుడు ప్రపంచ వ్యాప్తంగా తీవ్ర చర్చనీయాంశంగా మారింది. ఇంతకీ అందులో ఏమేం దొరికాయంటే.

ఈ మెడికల్ స్టోర్‌ను 1900 ప్రారంభంలో ఏర్పాటు చేసినట్లు తెలుస్తోంది. సోమర్‌సెట్ ఫార్మసీ పేరుతో ఉన్న ఈ స్టోర్ దాదాపు వందేళ్లు దాటినప్పటికీ ఇప్పటికీ అదే విధంగా ఉంది. అయితే సౌత్ పీథర్‌టన్‌లోని విక్టోరియన్ టైమ్ క్యాప్సూల్ ఈ పురాతన మెడికల్ స్టోర్‌ను 1980 లలో గుర్తించింది. ఆ మెడికల్ స్టోర్ యజమాని మార్గరెట్ వైట్ చనిపోవడంతో ఇది వెలుగులోకి వచ్చింది. అయితే ఇది అంతముందే ఉన్నట్లు యజమానికి తెలుసని.. అయితే దాన్ని ఉపయోగించడం కంటే మూసివేయడమే మంచిదని మార్గరెట్ వైట్ నిర్ణయించుకుని 1971 లో మూసివేసినట్లు గుర్తించారు.

అయితే 1987లో ఆ మెడికల్ స్టోర్‌ను వేలం వేయడానికి వేలం నిర్వాహకులు అందులోకి వెళ్లారు. అయితే అప్పటికి ఆ మెడికల్ స్టోర్ మొత్తం మూసివేసి లేదని.. సగం తెరిచి ఉన్నట్లు గుర్తించారు. దీంతో ఆ మెడికల్ స్టోర్‌లోకి వెళ్లి అక్కడ ఉన్న వస్తువులు, ఇతర మెడిసిన్‌లను పరిశీలించారు. అయితే అప్పుడే వారికి ఒక విషయం తెలిసింది. అక్కడ ఉన్న ఫోటోలు, పత్రాల ఆధారంగా మార్గరెట్ వైట్ తాత విలియం వైట్ ఒక విక్టోరియన్ కెమికల్ సైంటిస్ట్ అని గుర్తించారు. ఆయన ఒక సైంటిస్ట్ అని నిర్ధారించేందుకు సంబంధించిన అన్ని విషయాలను వారు అక్కడ కనుగొన్నారు.

ఇక అక్కడ ఉన్న కొన్ని డబ్బాలలో మెడిసిన్స్ గుర్తించారు. వాటిని మెడిసిన్ తయారీ సంస్థల నుంచి తీసుకుని వచ్చి.. ఆ మెడికల్ స్టోర్‌లో ఉన్న అల్మారాలు, స్టోర్ రూంలో పేర్చినట్లు తెలిపారు. అయితే 1980 లలో మార్గరెట్ వైట్ చనిపోయిన తర్వాత అతని కుమారుడు చార్లెస్.. ఆ ఫార్మసీని నడిపేందుకు అన్ని ప్రయత్నాలు చేసినట్లు పేర్కొన్నారు. అయితే చార్లెస్‌కు అర్హత లేకపోవడంతో ప్రభుత్వం నుంచి అనుమతి లభించలేదని వెల్లడించారు. అయితే ఆ మెడికల్ స్టోర్ వెనక భాగంలో సీల్ వేసి ఉందని గుర్తించారు.

అయితే ఈ మెడికల్ షాప్‌లోని వస్తువులను తీసి విడిగా విక్రయానికి ఉంచారు. ఇక కార్న్‌వాల్‌లోని ఫ్లాంబార్డ్స్ థీమ్ పార్క్ ఆ మెడికల్ స్టోర్‌ను కొనుగోలు చేసింది. అయితే అంతకుముందు 1900 లలో విలియం వైట్ ఏ విధంగా ఆ మెడికల్ స్టోర్‌ను నడిపారో అదేవిధంగా ఇప్పుడు కూడా అదే పనిచేసేందుకు ఒక బృందం పనిచేస్తోంది. అందుకోసం అవసరమైన ఏర్పాట్లను చేస్తున్నారు. అయితే విలియం వైట్ మరణం తర్వాత అందులో ఉన్న మొత్తం స్టాక్‌ను వారు ఉపయోగించినట్లు తెలుస్తోంది. అయినప్పటికీ అందులో కొన్ని డేంజరస్ లిక్విడ్స్ ఉన్నట్లు సమాచారం.