ట్రెండింగ్
వాతావరణ అప్ డేట్స్
Andhra Pradesh Telugu | Suryaa Desk | Published : Sun, Oct 01, 2023, 03:07 PM
దక్షిణ కొంకణ్, గోవా తీరాలకు ఆనుకుని శుక్రవారం తూర్పు మధ్య అరేబియా సముద్రంలో ఏర్పడిన అల్పపీడనం శనివారం నాటికి బలపడి వాయుగుండంగా మారింది. ఇది గోవా రాజధాని పనాజీకి వాయువ్యంగా 120 కిలోమీటర్ల దూరంలో కేంద్రీకృతమై ఉంది. అక్కడి నుంచి తూర్పు ఈశాన్యంగా పయనించి శనివారం రాత్రి మహారాష్ట్రలో రత్నగిరి, గోవాలోని పనాజీ మధ్య తీరం దాటనున్నది. ఇక ఈశాన్య, తూర్పుమధ్య బంగాళాఖాతంలో ఏర్పడిన అల్పపీడనం శనివారం బలపడి తీవ్ర అల్పపీడనంగా మారి వాయువ్య బంగాళాఖాతంలో ప్రవేశించింది. వచ్చే 24 గంటల్లో పశ్చిమ వాయువ్యంగా పయనించి ఉత్తర ఒడిశా, పశ్చిమ బెంగాల్ మధ్య తీరం దాటనున్నదని వాతావరణ శాఖ తెలిపింది. దీని ప్రభావంతో శనివారం కోస్తా, రాయలసీమల్లో పలుచోట్ల వర్షాలు కురిశాయి. రానున్న 24 గంటల్లో కోస్తా, రాయలసీమల్లో పలుచోట్ల వర్షాలు కురుస్తాయని వాతావరణ శాఖ తెలిపింది.
|
|