ట్రెండింగ్
ఒక రోజు దీక్షకి పూనుకున్న చంద్రబాబు
Andhra Pradesh Telugu | Suryaa Desk | Published : Sun, Oct 01, 2023, 03:06 PM
టీడీపీ అధినేత చంద్రబాబు రాజమహేంద్రవరం సెంట్రల్ జైల్లో గాంధీ జయంతి రోజున ఒక రోజు నిరసన దీక్ష చేపట్టనున్నారు. దీనికి సంబంధించి టీడీపీ రాష్ట్ర అధ్యక్షుడు అచ్చెన్నాయుడు మాట్లాడుతూ.... గాంధీ జయంతి రోజు జైల్లో దీక్ష చేయాలని చంద్రబాబును కోరామని, ఆయన అంగీకరించారని తెలిపారు. అదే రోజున ఆయన సతీమణి భువనేశ్వరి రాజమహేంద్రవరంలో ఒకరోజు దీక్ష చేస్తారని ఆయన వెల్లడించారు. ఇందుకు సంఘీభావంగా రాష్ట్రంలోని అన్ని నియోజకవర్గాల్లో దీక్షలు చేపట్టాలని, ప్రజలు, పార్టీ నాయకులు పాల్గొనాలని విజ్ఞప్తి చేశారు. చంద్రబాబు అరెస్టును నిరసిస్తూ సోమవారం సాయంత్రం 7 గంటలకు ఐదు నిమిషాల పాటు ఇంట్లోని లైట్లన్నీ ఆర్పేసి కొవ్వొత్తులతో నిరసన కార్యక్రమాన్ని చేపట్టబోతున్నామని తెలిపారు.
|
|