నాతో గ్రూప్ సెక్స్‌ చేస్తారా,,,,? మహిళా కొలీగ్స్‌కు ఇటలీ ప్రధాని ప్రియుడు ఆఫర్

ఇటలీ ప్రధాని జార్జియా మెలోని.. తన భాగస్వామి ఆండ్రియా గియాంబ్రూనో నుంచి విడిపోతున్నట్టు ప్రకటించిన విషయం తెలిసిందే. పదేళ్ల సుదీర్ఘ బంధానికి ముగింపు పలుకుతున్నానని ఆమె వెల్లడించారు. టెలివిజన్ జర్నలిస్ట్ అయిన గియాంబ్రూనో.. ఇటీవలి మహిళలను ఉద్దేశించి చేసిన వ్యాఖ్యలకు విమర్శలను ఎదుర్కొన్నారు. అంతేకాదు, తోటి మహిళా ఉద్యోగులతోనూ సెక్సీయస్ట్ కామెంట్లు చేసి.. పచ్చి బూతులు మాట్లాడినట్టు ఆరోపణలు వెల్లువెత్తాయి. టెలివిజన్ షో వ్యాఖ్యతగా వ్యవహరించే గియాంబ్రూనో.. తన సహోద్యోగిని అభ్యంతరకరంగా తాకినట్టు తాజాగా బయటపడింది.

బయటకు వచ్చిన వీడియోల ప్రకారం.. బూతులు మాట్లాడుతూ మహిళా సహోద్యోగి ప్రయివేట్ భాగాలకు దగ్గరగా చేతులువేసి చొరవ తీసుకున్నాడు. ‘నిన్ను ఇంతకే ముందు నేను ఎందుకు కలవలేదు?’ అని ఆమెను ప్రశ్నించిన గియాంబ్రూనో.. గ్రూప్ సెక్స్‌లో పాల్గొనాలంటే నాతో కలిసి పనిచేయొచ్చని అన్నారు. ‘ఇది మీకు తెలుసా? నాకు ఎఫైర్ ఉంది? మీడియాలో అందరికీ ఈ విషయం తెలుసు.. ఇప్పుడు మీరు కూడా వస్తారా? అయితే, ముగ్గురు.. నలుగురితో చేసినట్లుగా మూడో వ్యక్తి కోసం చూస్తున్నాం.. మీరు మా వర్కింగ్ గ్రూప్‌లో భాగం కావాలనుకుంటున్నారా?’ ఆఫర్ ఇచ్చాడు.

కాగా, ఇటలీలో చోటుచేసుకున్న సామూహిక అత్యాచార ఘటనలపై గియాంబ్రునో చేసిన వ్యాఖ్యలు తీవ్ర దుమారం రేపాయి. ‘మీరు సరదాగా గడిపేందుకు వెళ్లినప్పుడు మద్యం సేవిస్తారు. అప్పుడు అతిగా మద్యం తాగకుండా ఉంటే.. ఇబ్బందుల్లో పడరు.. అత్యాచారాన్ని నివారించాలంటే.. మీరు స్పృహ కోల్పోకుండా ఉండాలి’ అంటూ వ్యాఖ్యలు చేశారు. వీటిపై తీవ్ర విమర్శలు రావడంతో సమర్ధించుకునే ప్రయత్నం చేస్తూ. మద్యం తాగేందుకు, డ్రగ్స్‌ కోసం యువత బయటకు వెళ్లొద్దని చెప్పడమే నా ఉద్దేశమని, బయట చెడు వ్యక్తుల నుంచి తప్పించుకునేందుకు జాగ్రత్తగా ఉండాలని సూచించానని అన్నాడు.