గోపాలపట్నం దగ్గర కారులో లిక్విడ్ గంజాయి సీజ్,,,,నలుగుర్ని అరెస్ట్
Andhra Pradesh Telugu | Suryaa Desk | Published : Wed, Oct 25, 2023, 08:54 PM
విశాఖలో గంజాయి కలకలంరేపింది. గోపాలపట్నంలో ద్రవ రూపంలో ఉన్న గంజాయిని రవాణా చేస్తుండగా పోలీసులు దాడులు జరిపి స్వాధీనం చేసుకున్నారు. కేరళకు చెందిన అరుణ్‌, మిర్యాలగూడకు చెందిన షేక్‌ అజీషా, నెల్లూరుకు చెందిన షేక్‌ బషీర్‌, హైదరాబాద్‌కు చెందిన షేక్‌ అబ్దుల్‌ కలిసి విశాఖలోని గిరిజన ప్రాంతం నుంచి గంజాయి సేకరించారు.. ఎవరికీ దొరక్కుండా మాస్టర్ ప్లాన్ వేశారు. గంజాయిని ద్రవ రూపంలోకి మార్చి.. కిలో చొప్పున 13 ప్యాకెట్లు సిద్ధం చేశారు.
ఈ లిక్విడ్ గంజాయిని కారులో రహస్యంగా రవాణా చేస్తున్నారు. గుర్తుతెలియని వ్యక్తులు ఇచ్చిన సమాచారంతో గోపాలపట్నం ఎస్సైలు అప్పలనాయుడు, రామకృష్ణ తమ సిబ్బంది సాయంతో గోపాలపట్నం సమీప ఉత్తర సింహాచలం రైల్వేక్వార్టర్స్‌ వద్ద నిఘా ఉంచారు. గంజాయి తరలిస్తున్న వాహనాన్ని ఆపారు.. తనిఖీలు చేశారు. నలుగురు నిందితులను అదుపులోకి తీసుకుని.. వారి నుంచి ద్రవ గంజాయి, మొబైల్స్ స్వాధీనం చేస్తున్నారు. కేసు నమోదు చేసి.. అనంతరం నిందితులను రిమాండ్‌కు తరలించారు. ఇటీవల కాలంలో గంజాయిని ద్రవ రూపంలో మార్చి స్మగ్లింగ్ చేస్తున్నారు.
|
|