క్యాసినో, ఆన్లైన్ బెట్టింగ్‌లపై,,,, 28శాతం జీఎస్టీ అమలు
Andhra Pradesh Telugu | Suryaa Desk | Published : Tue, Nov 07, 2023, 09:29 PM
ఆన్లైన్ బెట్టింగ్‌, ఆన్లైన్ మనీ గేమింగ్‌, క్యాసినోలను జీఎస్టీ పరిధిలోకి తెస్తూ రాష్ట్ర ప్రభుత్వం నోటిఫికేషన్‌ జారీచేసింది. ఇప్పటికే జూదం, గుర్రం పందెం, లాటరీలపై జీఎస్టీ అమల్లో ఉంది. దీనికి అదనంగా ఆన్లైన్ బెట్టింగ్‌, ఆన్లైన్ మనీ గేమింగ్‌, క్యాసినోలను చేర్చింది. ఏ రూపంలో నగదు లావాదేవీలు జరిగినా జీఎస్టీ వర్తిస్తుందని ప్రభుత్వం తెలిపింది. ఈ ఏడాది అక్టోబరు 1 నుంచి ఆన్లైన్ గేమింగ్‌ కంపెనీలు బెట్టింగ్‌ పూర్తి విలువపై 28 శాతం జీఎస్టీ వసూలు చేస్తున్నారు. అంతేకాదు, భారత్‌లో కార్యకలాపాలు సాగించే విదేశీ ఆన్లైన్ గేమింగ్‌ వేదికలకు ఇక జీఎస్టీ రిజిస్ట్రేషన్‌ తప్పనిసరి. పూర్తి బెట్టింగ్‌ విలువపై 28 శాతం జీఎస్టీని వర్తింపజేస్తూ సెంట్రల్‌ జీఎస్టీ, ఇంటిగ్రేటెడ్‌ జీఎస్టలో చేసిన సవరణలను అక్టోబరు ఒకటి నుంచి అమల్లోకి తెస్తున్నట్లు కేంద్ర ఆర్థిక శాఖ తెలిపింది. ఆన్లైన్ గేమింగ్‌, క్యాసినోలు, గుర్రం పందేల నిర్వాహణ సంస్థలను సైతం లాటరీ, బెట్టింగ్‌, గాంబ్లింగ్‌తో సమానంగా పరిగణించి పూర్తి బెట్టింగ్‌ విలువపై 28 శాతం జీఎస్టీ వసూలు చేస్తారు.
|
|