విజయసాయిరెడ్డి కాన్వాయ్‌ కి స్వల్ప ప్రమాదం
Andhra Pradesh Telugu | Suryaa Desk | Published : Thu, Nov 09, 2023, 03:33 PM
రాజ్యసభ సభ్యుడు, వైసీపీ రీజనల్‌ కోఆర్డినేటర్‌ విజయసాయిరెడ్డి కాన్వాయ్‌లోని వాహనం ఢీకొని మోటారు సైక్లిస్టుకు గాయాలయ్యాయి. కనిగిరిలో వైసీపీ సామాజిక సాధికార బస్సు యాత్రలో పాల్గొనేందుకు విజయసాయి ఒంగోలు నుంచి బయల్దేరారు. అదే సమయంలో పేర్నమిట్టకు చెందిన పూనాటి నాగేశ్వరరావు మోటారు సైకిల్‌పై ఇండస్ర్టియల్‌ ఎస్టేట్‌ నుంచి తన గ్రామానికి వెళ్తున్నాడు. పాలకేంద్రం వద్ద విజయసాయి కాన్వాయ్‌లోని ఒక వాహనం అతని మోటారు సైకిల్‌ను వెనుక నుంచి ఢీకొట్టింది. నాగేశ్వరరావుకు గాయాలవడంతో వెంటనే బాధితుడిని ఒంగోలులోని ఓ ప్రైవేటు వైద్యశాలకు తరలించారు. ఈ సంఘటనపై పూర్తి సమాచారం అందవలసిఉంది.
|
|