ట్రెండింగ్
‘కమ్మ సామాజికవర్గ ప్రజలకు విజ్ఞప్తి’ అంటూ వెలుగులోకి ఫేక్ లెటర్‌
Andhra Pradesh Telugu | Suryaa Desk | Published : Thu, Nov 09, 2023, 03:34 PM
నేడు సీఐడీ చీఫ్ సంజయ్‍ను టీడీపీ బృందం కలవనుంది. టీడీపీ అధినేత చంద్రబాబు పేరు మీద ప్రచారంలో ఉన్న ఫేక్ లెటర్‌పై టీడీపీ బృందం ఫిర్యాదు చేయనుంది. ఈ రోజు ఉదయం సీఐడీ చీఫ్‌ను టీడీపీ బృందం అపాయింట్‍మెంట్ కోరింది. అయితే ఇప్పటికీ ఆయన అపాయింమెంట్ ఖరారు కాలేదు. దీంతో టీడీపీ సీనియర్ నేత వర్ల రామయ్య అపాయింట్‍మెంట్ కోసం ఎదురుచూస్తున్నారు. ‘కమ్మ సామాజికవర్గ ప్రజలకు విజ్ఞప్తి’ అంటూ.. చంద్రబాబు పేరుతో ఓ ఫేక్ లెటర్‌ను కొందరు సోషల్ మీడియాలో వైరల్ చేస్తున్నారు. తెలంగాణ ఎన్నికలకు దూరంగా ఉండాలని టీడీపీ నిర్ణయించింది. ఈ తరుణంలో ఇలాంటి లేఖ వైరల్ కావడంపై టీడీపీ మండిపడుతోంది. ఇలాంటి లేఖలను నమ్మవద్దని.. టీడీపీ ఏ పార్టీకీ మద్దతు ఇవ్వడం లేదని టీడీపీ ఏపీ రాష్ట్ర అధ్యక్షుడు అచ్చెన్నాయుడు సైతం వెల్లడించారు.
|
|