ట్రెండింగ్
ఆరోగ్యశ్రీ బకాయిలు చెల్లించలేని దుస్థితిలో ప్రభుత్వం ఉంది
Andhra Pradesh Telugu | Suryaa Desk | Published : Tue, Nov 14, 2023, 01:29 PM
ఆరోగ్యశ్రీ బకాయిలు చెల్లించకుండా,పేదల ప్రాణాలతో సీఎం జగన్ చెలగాటమాడుతున్నడని టీడీపీ జాతీయ ప్రధాన కార్యదర్శి నారా లోకేష్ అన్నారు. ఆరోగ్యశ్రీ నెట్ వర్క్ హాస్పటల్స్కు గత ఆరు నెలలుగా జగన్ సర్కారు రూ.1000 కోట్లు బకాయిలు పెట్టినందున ఈనెల 27 నుంచి వైద్యసేవలు నిలిపివేస్తామని ఏపీ స్పెషాలిటీ హాస్పటల్స్ అసోసియేషన్ ప్రభుత్వానికి లేఖ రాయడం రాష్ట్రంలో నెలకొన్న దుస్థితికి అద్దం పడుతోందని తెలిపారు. కరోనా విపత్తు సమయంలో సాక్షాత్తు సీఎం సొంత జిల్లా కడపలో ఆరోగ్యశ్రీ కింద వైద్యసేవలు అందించబడవని బోర్డులు పెట్టినప్పుడే జగన్ రెడ్డి పనితనమేమిటో రాష్ట్ర ప్రజలకు అర్థమైందన్నారు. చేతగానిపాలనతో ఖజానాను దివాలా తీయించిన ముఖ్యమంత్రి ముఖం చూసి కాంట్రాక్టర్లు పరారు కావడం చూశామని ఆయన అన్నారు.
|
|