ట్రెండింగ్
క్రికెట్ మ్యాచ్‌ను చూస్తూ మరణించిన యువకుడు
Andhra Pradesh Telugu | Suryaa Desk | Published : Mon, Nov 20, 2023, 01:44 PM
తిరుపతి రూరల్ మండలంలో విషాదం నెలకొంది. వివరాల్లోకి వెళ్ళితే..... దుర్గసముద్రానికి చెందిన టీటీడీ రిటైర్టు అటెండరు మండ్యం సుధాకర్ కుమారుడు జ్యోతికుమార్ యాదవ్ (32) ఎంసీఏ చదువుకుని సాఫ్ట్‌వేర్ ఉద్యోగం చేస్తున్నాడు. ప్రస్తుతం వర్క్ ఫ్రం హోం పద్ధతిలో పనిచేస్తున్నాడు. జ్యోతి కుమార్ యాదవ్‌కు చిన్నప్పటి నుంచి క్రికెట్ అంటే విపరీతమైన అభిమానం ఉండటంతో ఇంట్లోనే స్నేహితులతో కలిసి భారత్ - ఆస్ట్రేలియా క్రికెట్ మ్యాచ్‌ను చూస్తున్నాడు. ఈ మ్యాచ్ రేపిన ఉత్కంఠ వల్ల ఆదివారం రాత్రి 7 గంటల సమయంలో గుండెపోటుకు గురయ్యాడు. స్నేహితులు, కుటుంబీకులు వెంటనే చికిత్స కోసం స్విమ్స్ ఆసుపత్రికి తరలించారు. అప్పటికే మృతి చెందినట్టు వైద్యులు నిర్ధారించారు. ఈ ఘటనతో దుర్గసముద్రంలో విషాదఛాయలు అలముకున్నాయి. పూర్తి సమాచారం తెలయాల్సి ఉంది.
|
|