ట్రెండింగ్
సుప్రీంకోర్టులో కూడా ప్రభుత్వానికి ఎదురు దెబ్బ ఖాయం
Andhra Pradesh Telugu | Suryaa Desk | Published : Wed, Nov 22, 2023, 12:44 PM
చంద్రబాబుకి బెయిల్ ఇచ్చి హైకోర్టు పరిధి దాటిందన్న అదనపు అడ్వకేట్ జనరల్ పొన్నవోలు సుధాకర్ రెడ్డి వ్యాఖ్యలు దారుణమని టీడీపీ మాజీ మంత్రి నక్కా ఆనంద్ బాబు అన్నారు. స్కిల్ డెవలప్మెంట్ కేసులో మిగతా అందరూ బయటే ఉన్నారన్న విషయం తెలియదా? అని ప్రశ్నించారు. ఎఫ్ఐఆర్ నమోదైన 22 నెలల తర్వాత కేసులో చంద్రబాబు పేరు చేర్చి అరెస్టు చేశారని మండిపడ్డారు. చంద్రబాబు బెయిల్పై ప్రభుత్వం సుప్రీంకోర్టుకు వెళ్లడం హాస్యాస్పదమని, ప్రజా ధనాన్ని దుర్వినియోగం చేసేలా సర్కార్ వ్యవహరిస్తోందని నక్కా ఆనంద్ బాబు విమర్శించారు. సుప్రీంకోర్టులో కూడా ప్రభుత్వానికి ఎదురు దెబ్బ తగలటం ఖాయమన్నారు. పొన్నవోలు ఏఏజీలా కాకుండా జగన్మోహన్ రెడ్డి ఏజెంట్లా మాట్లాడుతున్నారని ఆగ్రహం వ్యక్తం చేశారు. ప్రభుత్వ వాదనల్లో పస లేదని హైకోర్టు గుర్తించి బెయిల్ ఇచ్చిందన్నారు.
|
|