పల్నాడు జిల్లాలో ముగ్గురి దారుణ హత్య

పల్నాడు జిల్లాలో దారుణం చోటుచేసుకుంది. పిడుగురాళ్ల మండలం కోనంకిలో ముగ్గురిని దారుణంగా హత్య చేశారు. ముగ్గురిని విచక్షణారహితంగా కత్తులతో నరికి బంధువులు హతమార్చారు. ఈ ఘటనలో భార్యాభర్తలు సాంబశివరావు, ఆదిలక్ష్మితోపాటు కుమారుడు నరేశ్‌ సైతం మృతి చెందారు. కుటుంబ కలహాల నేపథ్యంలోనే హత్యలు జరిగినట్లు పోలీసులు తెలిపారు. కోడలు మాధురితో పాటు నిందితులు ముప్పాళ్ల పీఎస్‌లో లొంగిపోయారు. ఈ కేసుకు సంబంధించి వివరాలు తెలియాల్సి ఉంది.

పల్నాడు జిల్లా పిడుగురాళ్లలో ముగ్గురు దారుణ హత్య కలకలంరేపింది. కోనంకిలో అర్ధరాత్రి సమయంలో ఒకే కుటుంబానికి చెందిన ముగ్గురిని సమీప బంధువులు విచక్షణారహితంగా కత్తులతో నరికి చంపారు. మృతులను సాంబశివరావు (50), భార్య ఆదిలక్ష్మి (47), కుమారుడు నరేష్‌ (30)గా పోలీసులు గుర్తించారు. కుటుంబ కలహాలతో ఈ హత్యలు జరిగినట్లు పోలీసులు తెలిపారు. హత్యలకు సంబంధించి ముప్పాళ్ల పీఎస్‌లో సాంబశిరావు కోడలు మాధురి, నిందితులు లొంగిపోయినట్లు తెలిపారు. ఘటనపై కేసు నమోదు చేసి దర్యాప్తు చేపట్టినట్లు పోలీసులు వివరించారు.

కోనంకికి చెందిన నరేష్‌ వ్యవసాయం చేస్తూ జీవనం సాగిస్తున్నాడు. అతడికి మొదటి భార్యతో విభేదాలు రావడంతో.. విడాకులు తీసుకున్న తర్వాత ముప్పాళ మండలం దమ్మాలపాడు గ్రామానికి చెందిన మాధురితో ఎనిమిదేళ్ల క్రితం వివాహమైంది. వీరికి నాలుగేళ్ల పాప ఉంది. మాధురిని రెండో వివాహం చేసుకున్నాడు. వివాహ అనంతరం తరచూ ఇద్దరి మధ్య గొడవలు జరుగుతున్నాయి.

బుధవారం ఉదయం నుండి నరేష్‌కి మాధురికి గొడవ జరిగింది. ఈ గొడవ విషయాన్ని మాధురి తన అన్నకు ఫోన్ చేసి చెప్పడంతో నిన్న అర్ధరాత్రి మాధురి బంధువులు కొనంకి గ్రామం చేరుకొని ఇంట్లో ఉన్న మాధురి అత్త మామలు అలాగే భర్తతో గొడవపడి కత్తులతో అతి దారుణంగా ముగ్గురిని కత్తులతో నరికి హత్య చేశారని చెబుతున్నారు.