ట్రెండింగ్
విశాఖ ఆటో ప్రమాదంపై స్పందించిన పురంధరేశ్వరి
Andhra Pradesh Telugu | Suryaa Desk | Published : Thu, Nov 23, 2023, 01:40 PM
విశాఖపట్నంలో స్కూల్‌ పిల్లలతో వెళ్తున్న ఆటో రోడ్డు ప్రమాదానికి గురవడం అత్యంత బాధాకరమని ఏపీ బీజేపీ అధ్యక్షురాలు దగ్గుబాటి పురంధరేశ్వరి తెలిపారు. ఆమె మీడియాతో మాట్లాడుతూ..‘‘ఈ ప్రమాద దృశ్యాలు చాలా హృదయవిదారకంగా ఉన్నాయి. వీడియో దృశ్యాలు చూస్తే కళ్లు చెమర్చాయి. ఈ ప్రమాదంలో అభంశుభం తెలియని చిన్నారులు గాయాల పాలై వారు క్షోభను అనుభవించడం చూస్తుంటే కళ్లు చెమర్చుతున్నాయి. ఈ ప్రమాద ఘటనపై తక్షణమే ప్రభుత్వం పూర్తి స్థాయిలో విచారించి, తగిన చర్యలు తీసుకోవాలి. రాష్ట్ర ప్రభుత్వం పెంటనే ఆస్పత్రిలో చికిత్స పొందుతున్న చిన్నారులకి మెరుగైన వైద్య సహాయం అందించాలి’’ అని పురంధరేశ్వరి డిమాండ్ చేశారు.
|
|