విశాఖ జూ పార్కులో ఎలుగుబంటి దాడిలో ఉద్యోగి మృతి
Andhra Pradesh Telugu | Suryaa Desk | Published : Mon, Nov 27, 2023, 06:29 PM
విశాఖ ఇందిరా గాంధీ జూ పార్కులో విషాదం చోటు చేసుకుంది. ఎలుగుబంటి దాడి చేసిన ఘటనలో ఓ యువకుడు మృతి చెందాడు. జూలో అవుట్ సోర్సింగ్ పద్ధతిలో విధులు నిరవహిస్తున్న నగేష్ అనే యువకుడు.. ఇవాళ ఉదయం జూ పార్క్ పరిసరాల్లో క్లీనింగ్ చేస్తుండగా ఒక్కసారిగా ఎలుగుబంటి అతనిపై దాడి చేసింది. ఎలుగుబంటి బోనులో ఉందనుకొని క్లీనింగ్ చేస్తుండగా.. అనుకోకుండా ఈ ప్రమాదం జరిగింది. ఎలుగుబంటి బోనుకు వేసి ఉన్న తలుపులు తెరిచి ఉండటాన్ని గమనించకపోవటంతో నగేష్ దాడికి గురయ్యాడు. తప్పించుకునేందుకు అతడు ప్రయత్నించగా గోళ్లతో రక్కి ప్రాణాలు తీసింది. జూలో ఉన్న సందర్శకులు అందరూ చూస్తుండగానే ఆకస్మాత్తుగా దాడి చేసింది. అది చూసిన సందర్శకులు భయంతో వణికిపోయారు. దాడి ఘటనను గుర్తించిన జూ అధికారులు గుర్తించిన జు అధికారులు వెంటనే స్పందించి ఆ ఎలుగుబంటిని బంధించారు. తీవ్ర గాయాల పాలైన ఉద్యోగి నగేష్‌ను ఆసుపత్రికి తరలించగా.. అప్పటికే అతడు మృతి చెందినట్లు వైద్యులు వెల్లడించారు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
|
|