పవన్ ని కలిసిన కేశినేని
Andhra Pradesh Telugu | Suryaa Desk | Published : Tue, Dec 12, 2023, 05:14 PM
జనసేన అధినేత పవన్ కళ్యాణ్‌ను టీడీపీ నేత కేశినేని శివనాథ్ (చిన్ని) మర్యాదపూర్వకంగా కలిశారు. హైదరాబాద్‌లోని జనసేనాని నివాసంలో పవన్తో చిన్ని భేటీ అయ్యారు. ఈ సందర్భంగా టీడీపీ అధినేత చంద్రబాబు నాయుడు అరెస్ట్ సమయంలో టీడీపీ, పార్టీ శ్రేణులకు పవన్ మద్దతు ఇవ్వడంపై చిన్ని ప్రత్యేకంగా అభినందించారు. పార్లమెంటు పరిధిలో చిన్ని చేస్తున్న సేవలు అన్నా క్యాంటీన్లు, మెడికల్ క్యాంపులు, ఇతర సేవా కార్యక్రమాలను పవన్ కళ్యాణ్ అభినందించారు. వన సమారాధనల పేరిట ఇతర కార్యక్రమాలతో జనసేన, టీడీపీ కలిసి ప్రయాణం చేస్తున్న వైనాన్ని చిన్ని వివరించారు. ఉద్దానం కిడ్నీ బాధితులకు బాసటగా నిలిచిన పవన్ కళ్యాణ్ స్ఫూర్తిగా చంద్రబాబు ఆదేశాల మేరకు పార్లమెంటు పరిధిలోని ఏ కొండూరు మండలంలో కిడ్నీ బాధితులకు చేసిన సేవలను చిన్ని వివరించారు. ఏ కొండూరు మండలంలోని తండాలను పర్యటించి బాధితులకు ధైర్యాన్ని ఇవ్వాలని ఈ సందర్భంగా పవన్‌ను కేశినేని చిన్ని కోరారు.
|
|