ట్రెండింగ్
రోడ్డు ప్రమాదంలో వ్యక్తి మృతి
Andhra Pradesh Telugu | Suryaa Desk | Published : Sat, Dec 23, 2023, 03:40 PM
కర్నూలు జిల్లా, చాగలమర్రి మండలంలోని ఇడమడక మెట్ట సమీపంలో ద్విచక్ర వాహనాలు ఢీకొని చిన్న లాలుమియ్య (75) శుక్రవారం మృతి చెందారు. ఎస్తాన్‌బాషా, చిన్న లాలుమియ్య ఇద్దరు ద్విచక్ర వాహనంలో కడప జిల్లా చెన్నూరు మండలం కొండపేట గ్రామం నుంచి చాగలమర్రి మండలంలోని పెద్దవంగలి గ్రామానికి బయలుదేరారు. ఇడమడక మెట్ట సమీపానికి రాగానే అదే రహదారి నుంచి ద్విచక్ర వాహనంపై టంగుటూరు గ్రామానికి చెందిన వెంకటసుబ్బన్న అదుపు తప్పి ఢీకొట్టారు. ఈ ఘటనలో ముగ్గురు గాయపడ్డారు. వీరిని చికిత్స నిమిత్తం 108 వాహనంలో స్థానిక కేరళ వైద్యశాలకు తరలించారు. అయితే చికిత్స పొందుతూ చిన్న లాలుమియ్య మృతి చెందారు. వెంకటసుబ్బన్నకు మెరుగైన వైద్యం కోసం ప్రొద్దుటూరు వైద్యశాలకు తరలించారు. దువ్వూరు పోలీసులు ఘటనా స్థలాన్ని పరిశీలించారు. కేసు దర్యాప్తు చేస్తున్నారు.
|
|