టీడీపీలో వర్గపోరు
Andhra Pradesh Telugu | Suryaa Desk | Published : Tue, Jan 02, 2024, 03:12 PM
తుని టీడీపీలో అంతర్గతంగా కొనసాగుతున్న వర్గ విభేదాలు బయటపడ్డాయి. తుని టీడీపీ నియోజకవర్గ ఇన్చార్జి యనమల దివ్య ఆధ్వర్యంలో తుని పట్టణ శివారు సాయివేదికలో నూతన సంవత్సర వేడుకలు జరిగాయి. కార్యక్రమానికి ప్రతిపక్ష నేత, టీడీపీ పొలిట్బ్యూరో సభ్యుడు యనమల రామకృష్ణుడుతో పాటు రాష్ట్ర టీడీపీ ఆర్గనైజింగ్ సెక్రటరీ యనమల కృష్ణుడు హాజరయ్యారు. నియోజకవర్గ నలుమూలల నుంచి టీడీపీ శ్రేణులు తమ అభిమాన నేతలకు శుభాకాంక్షలు తెలిపేందుకు తరలివచ్చారు. అం దులో భాగంగా మాజీ మంత్రి యనమల కుటుంబీకుడైన యనమల రాజేష్ తన అనుచరగణంతో శుభాకాంక్షలు తెలిపేందుకు సాయివేదికకు చేరుకున్నారు. మాజీ మంత్రి యనమలను కలిసేందుకు వెళు తున్న మార్గం విషయంలో కృష్ణుడు అనుచరులు, రాజేష్ అనుచరుల మధ్య ఘర్షణ జరిగింది. దీంతో ఇరువర్గాలు తోపులాటకు సైతం దిగారు. వాస్తవానికి ఈ రెండు వర్గాల మధ్య కొంతకాలంగా అంతర్గత పోరు నడుస్తోంది. ఈ వేడుకలో పోరు బయటపడడంతో చర్చనీయాంశంగా మారింది.
|
|