నేడు మున్సిపల్ కార్మిక సంఘాలతో ప్రభుత్వం చర్చలు
Andhra Pradesh Telugu | Suryaa Desk | Published : Tue, Jan 02, 2024, 03:14 PM
ఏపీ ప్రభుత్వం మరోసారి మున్సిపల్ కార్మిక సంఘాలను చర్చలకు పిలిచింది. మంగళవారం ఉదయం 11 గంటలకు ఏపీ సచివాలయంలో ఆర్థిక మంత్రి బుగ్గన రాజేంద్రనాథరెడ్డి ఛాంబర్లో మున్సిపల్ శాఖ మంత్రి ఆదిమూలపు సురేష్ ,ఆర్థిక శాఖ మంత్రి రాజేంద్రనాథరెడ్డి, మున్సిపల్ శాఖ ఉన్నతాధికారులతో చర్చలు జరగనున్నాయి. ఈ సమావేశానికి మున్సిపల్ కార్మిక సంఘాల నాయకులు హాజరుకానున్నారు. ప్రధాన సమస్యలపై గత ఏడు రోజులుగా మున్సిపల్ కార్మికులు సమ్మె బాట పట్టిన విషయం తెలిసిందే. ఈ మధ్య జరిపిన మొదటి విడత చర్చలు విఫలం అవడంతో సమ్మె యథావిధిగా కొనసాగుతోంది. సమాన పనికి సమాన వేతనం ఇవ్వాలని ప్రధాన డిమాండ్పై ప్రభుత్వం ఎటు తేల్చలేకపోతోంది. అవుట్ సోర్సింగ్ సిబ్బందిని పర్మినెంట్ చేయాలని ప్రతిపాదన పట్ల ప్రభుత్వం ఎలాంటి హామీ ఇవ్వడం లేదు. మొత్తం 13 డిమాండ్లను నెరవేర్చాలని మున్సిపల్ కార్మికులు సమ్మె చేస్తున్నారు.
|
|