నేడు విజయనగరంలో పర్యటించనున్న భువనేశ్వరి
Andhra Pradesh Telugu | Suryaa Desk | Published : Wed, Jan 03, 2024, 01:16 PM
టీడీపీ అధినేత చంద్రబాబు నాయుడు సతీమణి నారా భువనేశ్వరి నేటి నుంచి ప్రజల్లోకి వెళ్లనున్నారు. నిజం గెలవాలి కార్యక్రమం పేరుతో మూడు జిల్లాలో భువనేశ్వరని పర్యటించనున్నారు. అందులో భాగంగా ఈరోజు ఉదయం 11:45 గంటలకు విశాఖ ఎయిర్‌పోర్టుకు చేరుకోనున్నారు. అక్కడి నుంచి నేరుగా విజయనగరంలో జరిగే నిజం గెలవాలి కార్యక్రమానికి హాజరుకానున్నారు. చంద్రబాబు అక్రమ అరెస్ట్ తట్టుకోలేక మృతి చెందిన కుటుంబ సభ్యులను భువనేశ్వరి పరామర్శించనున్నారు. బొబ్బిలి, తెర్లాం మండలంలోని పెరుమాలి, చీకటిపేట గ్రామాల్లో మృతి చెందిన కార్యకర్తల కుటుంబాలను భువనేశ్వరి పరామర్శిస్తారు. అలాగే ఈనెల నాలుగన శ్రీకాకుళం జిల్లాలో, ఐదున విశాఖ జిల్లాలో భువనేశ్వరి పర్యటించనున్నారు. ఈ సందర్భంగా చంద్రబాబు అక్రమ అరెస్టుతో మనస్థాపానికి గురై చనిపోయిన కుటుంబాలను పరామర్శించనున్నారు. ఇప్పటికే ఒకసారి వెళ్లి కొన్ని కుటుంబాలను భువనేశ్వరి పరామర్శించిన విషయం తెలిసిందే.
|
|