పొత్తు కోసం కుటుంబాల మధ్య చిచ్చు పెడతారు.. కుట్రలపై జాగ్రత్తగా ఉండాలి: సీఎం జగన్

ఎన్నికల సమయంలో ఇచ్చిన మాట ప్రకారం రూ.3వేలకు పింఛన్ పెంచామన్నారు ఆంధ్రప్రదేశ్ ముఖ్యమంత్రి వైఎస్ జగన్. కాకినాడ రంగరాయ మెడికల్‌ కాలేజ్‌ గ్రౌండ్స్‌లో ఏర్పాటు చేసిన బహిరంగ సభలో వైఎస్సార్‌ పింఛన్‌ కానుక పెంపు కార్యక్రమంలో సీఎం పాల్గొన్నారు. పింఛన్ పెంపు కార్యక్రమాన్ని ప్రారంభించారు. 66.34 లక్షల మందికి మంచి జరిగేలా పింఛన్‌ అందిస్తున్నామని.. నెలకు రూ.2వేల కోట్లు పింఛన్ కోసం ఖర్చు చేస్తున్నామన్నారు. పండుగైనా, సెలవైనా ఒకటో తేదీనే పెన్షన్‌ అందిస్తున్నామన్నారు. పేదల జీవితాల్లో ఆనందం వెల్లివిరియాలని.. తమను తాము పోషించుకోలేని పరిస్థితి ఎవరికీ రాకూడదన్నారు.

పిల్లలకి వారి హద్దులు గురించి ఇలా చెప్పండి

చంద్రబాబు పాలనలో పింఛన్‌ కేవలం రూ.వెయ్యి మాత్రమేనని.. . ఎన్నికల ముందు జగన్‌ హామీ ఇవ్వకుండా ఉంటే చంద్రబాబు పెన్షన్‌ పెంచేవారా? అని ప్రశ్నించారు. గతంలో జన్మభూమి కమిటీల ద్వారా అర్హులను నిర్ణయించే వారని.. చంద్రబాబు హయాంలో పింంఛన్‌ తీసుకోవాలంటే లంచం ఇస్తే తప్ప పని జరిగేది కాదన్నారు. అర్హత ఉంటే చాలు అందరికీ పింఛన్‌ ఇస్తున్నామని.. గతానికి, ఈ ప్రభుత్వానికి తేడాను గమనించాలన్నారు. గతంలో ఎన్నికలకు ఆరునెలల ముందు వరకు 39లక్షల మందికి మాత్రమే పింఛన్‌ ఇచ్చారన్నారు. చంద్రబాబు ఎన్నికల రెండు నెలల ముందు వరకు కేవలం రూ.1000 పెన్షన్‌ ఇచ్చారని.. ఇచ్చిన మాట ప్రకారం తాము పింఛన్ పెంచుకూంటూ రూ.3వేలు అందిస్తున్నామన్నారు. బాబు నెలకు రూ.400కోట్లు ఇచ్చారని.. ఇప్పుడు రూ.2వేల కోట్లు ఇస్తున్నామన్నారు. పార్టీలకు అతీతంగా అర్హులందరికీ పింఛన్ ఇస్తున్నామన్నారు. చంద్రబాబు, పవన్‌ కలిసి 2014లో ఎన్నో హామీలు ఇచ్చారు పేదవారికి 3 సెంట్ల భూమి ఇస్తామని హామీ ఇచ్చి ఒక్క సెంటు కూడా ఇ‍వ్వలేదని మండిపడ్డారు. ప్రతీ గ్రామంలో సచివాలయం తెచ్చాం. ప్రతీ గ్రామంలోనూ వాలంటీర్‌ వ్యవస్థను తీసుకొచ్చామని గుర్తు చేశారు. ఇచ్చాపురం నుంచి కుప్పం వరకు ప్రతీ గ్రామంలో మార్పు తెచ్చామన్నారు. ఆర్బీకే, విలేజ్‌ క్లినిక్‌, జగనన్న ఆరోగ్య సురక్ష తీసుకొచ్చామని.. నాడు-నేడుతో పాఠశాలలను ఆధునీకరించామన్నారు. అదే రాష్ట్రం, అదే బడ్జెట్‌. కేవలం మారిందల్లా ప్రభుత్వమే మాత్రమేనని.. చంద్రబాబు హయాంలో ఇవన్నీ ఎందుకు జరగలేదన్నారు.

పశ్నిస్తానన్న దత్త పుత్రుడు కనీసం లేఖ కూడా రాయలేదని.. చంద్రబాబు అవినీతిపై దత్తపుత్రుడు ఎందుకు మాట్లాడరని ప్రశ్నించారు. చంద్రబాబు అవినీతిలో పవన్‌ కూడా భాగస్వామే.. చంద్రబాబు అవినీతిపై కొన్ని మీడియా పత్రికలు, ఛానల్స్ ఎందుకు రాయవో చెప్పాలన్నారు. అవినీతికి పాల్పడిన చంద్రబాబును జైలుకెళ్లి దత్తపుత్రుడు పరామర్శించారని.. ఇళ్ల నిర్మాణాన్ని ఆపాలనే దత్తపుత్రుడి దిక్కుమాలిన ఆలోచన అంటూ ఘాటు వ్యాఖ్యలుచ ేశారు. చంద్రబాబు అవినీతిలో పార్ట్‌నర్‌ కాబట్టే దత్తపుత్రుడు ప్రశ్నించరన్నారు.

అవినీతికి తావులేకుండా పాలన చేస్తున్న ప్రభుత్వంపై విమర్శలు చేయడం దారుణమన్నారు. రాబోయే రోజుల్లో కుట్రలకు తెరతీస్తారన్నారు ముఖ్యమంత్రి. రాబోయే రోజుల్లో పొత్తులు ఎక్కువగా పెట్టుకుంటారని.. కుటుంబాలను చీల్చి రాజకీయాలు చేస్తారన్నారు. ప్రజలంతా అప్రమత్తంగా ఉండాలని.. తనకు వాళ్లలా అబద్ధాలు చెప్పడం రాదన్నారు జగన్. తాను నమ్ముకున్నది పైన దేవుడు, ఇక్కడ ప్రజలనే అన్నారు.